诗篇 109章1节 到 109章31节   背景资料  上一笔  下一笔
这mā是一首属tī哀歌类型ê诗。整篇内容充满chiok厚ê不满情绪。真可能就是因为作者hō͘人陷害、诬告,伊ná亲像khiā tī法庭中,向hiah-ê审判者哭诉家己所受ê冤屈,并且请求代替伸冤。申命记第十七章8到13节记载关系人民申诉ê事件,oh得判断ê时chūn应该有ê处理方式。Thang想像知影:当法官无法度判断真伪ê时chūn,人民就koh-khah容易感觉受tio̍h冤屈。Chit首诗歌显然有chit种内容。类似chit种诗歌,tī诗篇中有第五十八篇、第六十九篇、第八十三篇、第一三七篇等,m̄-koh,以chit篇所用ê词句siōng-kài激烈。

Tùi chit首诗篇thang学习tio̍h听受冤屈ê倾诉,ná亲像上帝垂听受苦者ê倾诉仝款,是件非常重要ê信仰功课。

第1到5节,诗人来到上帝面前,请求上帝替伊伸冤。因为伊ê仇敌用「讲白贼」加上「毁谤」ê话攻击伊,中伤伊,koh khah严重ê是,chiah-ê仇敌是「以怨报德,以恨报爱」。Chit种情形mā出现tī诗篇第三十五篇11到12节。

第6到19节,这是一段比较khah容易引起争议ê诗歌。因为所用ê词句lóng是非常恶毒之话语,因为án-ne,有bē少诗篇学者认为chit种诗句无可能出tī诗人ê手笔。整段诗歌充满tio̍h报复ê词句,mā就是敌人怎样对诗人,诗人mā期待上帝用仝款ê方式来惩罚敌人。其实,tī早期近东流行tio̍h「以眼还眼」ê观念,因为án-ne,chit种词句mā不时出现tī祭祀礼仪中,认为án-ne chiah ē-tàng算是公平。M̄-koh耶稣教导人tio̍h改变chit种观念kah思维,伊认为应该tio̍h用疼赢过恶,而且tio̍h学习上帝ê仁慈,chiah是正确。因为上帝用他ê慈爱kah永远无变ê疼对待所有ê人(参考路加福音六:27—36)。

第20到25节,chit段诗歌是teh向上帝求助,伊向上帝倾诉家己所tú-tio̍h ê困境,包括「穷困贫苦」、「心内伤痛」、身躯虚弱无力、hō͘人「讥笑」等等,chiah-ê lóng hō͘诗人感受tio̍h生不如死ê艰苦心。因为án-ne伊用「像黄昏ê残影」、「像一条草蜢被抖掉」,性命teh beh消失仝款ê无奈。

第26到31节,koh一pái祈求上帝用他ê慈爱来拯救伊脱离敌人ê迫害,诗人深信上帝一定垂听伊ê祈祷,因为án-ne,伊tī群众ê聚会中出来做见证,hō͘大家知影上帝真正为「穷苦人伸冤」。

重新查询 专卷研经 诗篇系列
错误回报,请联系comm[@]fhl.net