诗篇 108章1节 到 108章13节   背景资料  上一笔  下一笔
有一种看法,认为诗篇tùi第一○八到一一○篇,这三篇是所谓「大卫诗歌」,意思是确认这三篇lóng是大卫所写ê诗歌。原因是无论第五十七篇á是第六十篇,lóng有注明是属tī大卫ê诗歌。Á这两首诗篇koh kah这几篇诗篇有关连。

Chit首诗篇是由两首无仝ê诗歌合并做伙ê,第1到5节kah诗篇第五十七篇7到11节相近,而第6到13节kah诗篇第六十篇5到12节非常相近。前半部诗歌ē-sái讲是teh歌颂上帝,而后半部诗歌是祈求上帝ê帮助,hō͘ in ē-tàng有力量对抗敌人ê侵犯。作者相信,只有óa靠上帝ê气力,chiah ē-tàng赢过敌人威胁。咱无法度了解为甚么会kā chit两首无仝ê诗歌汇编做伙,真可能是因为当时以色列人民不时受tio̍h以东人kah非利士人ê侵犯搅扰,因为án-ne,kā头前有用过ê诗歌koh再the̍h出来吟唱。

第1到5节,诗人表达了伊对上帝有坚定ê信心,无论tú-tio̍h甚么状况,lóng tio̍h用歌颂ê方式来o-ló上帝。第2节ê「我beh kā日头mā唤醒起来」,其意是teh指早起起得非常早,天iáu未亮,日头iáu无上升,诗人就已经起来歌颂上帝。Tī第4节提起上帝ê特点,就是有永恒ê疼,kah他信实ê伟大,ná亲像高天hit种ê大,hō͘人赞叹,mā hō͘人敬畏。

第6到13节,chit段诗歌是teh祈求上帝拯救。Tī chit段诗歌中真清楚提起kúi-nā个族群,第8节提起玛拿西、以法莲等,chiah-ê lóng是属tī北国以色列,而犹大则南国。玛拿西是约旦河东岸,而以法莲kah犹大lóng是西岸。诗人主要teh说明,chiah-ê lóng是属tī上帝赏赐hō͘以色列民族定居ê土地。诗人用「头盔」来表示siōng重要ê防卫能力,而用「权杖」来表示王权、统治权。

第9节,祈求上帝hō͘ in ē-tàng降服摩押,kā以东人赶出去,mā phah败非利士人。

第10到13节thang看出诗人心中ê挂虑,因为以东显然入侵而in无法度抵挡,诗人担心会受害。M̄-koh,诗人mā讲只要有上帝伸手帮助,就一定会战胜仇敌。

重新查询 专卷研经 诗篇系列
错误回报,请联系comm[@]fhl.net