诗篇 106章1节 到 106章48节   背景资料  上一笔  下一笔
Chit首诗篇mā kah第七十八篇、第一○五篇仝款,lóng是teh回溯(sok)过去ê历史,因为án-ne,被称做「史诗」。Tī第一○五篇ê诗篇是用「约」做主题,描述上帝án怎拣选亚伯拉罕、以撒、雅各成做伊ê奴仆(族长),然后带领in进入埃及繁延下一代,茁壮kui个民族。然后koh带领in离开埃及,经过旷野长到四十年漂流ê岁月,了后带领in进入应允ê迦南地。chit-má chit首诗篇则以「犯罪」、「悔改」做主轴,描述上帝ê仁慈kah无变ê疼,疼惜他所拣选ê以色列人民。Chit首诗篇kā以色列人民如何在旷野中犯罪ê事实记录了落来,mā记落来了in忏悔所犯ê罪过。第一○五篇ê诗歌是kā重点放teh讲述上帝用他丰富ê慈爱带领以色列人民,这慈爱显明上帝tī立「约」上ê特性。Á这第一○六篇ê诗歌,则偏重tī人犯罪了后,上帝iáu是仝款施出怜悯ê疼,拯救他拣选ê以色列子民,因为他是一位记念「约」ê上帝,这是因为他ê「慈爱」ê缘故。

第1到5节,这是chit首诗篇ê引言,以o-ló kah祈求开始。

Tī第1节开始ê chit句「tio̍h o-ló上主」,kah tī最后一节ê最后一句「tio̍h o-ló上主」仝款,其希伯来文是用「哈利路亚」,tī诗篇第一一一篇、第一一二篇、第一三五篇、第一四六到一五○篇等,起头第一句lóng是用「tio̍h o-ló上主」(哈利路亚)。Tī chit段诗歌中,诗人koh一pái强调遵守上帝命令、伸张正义ê重要性。因为上帝ê拯救,就是teh显明他ê公义。

第2节诗人真清楚表达出上帝所做ê大事,m̄是用人ê语言ē-tàng讲述、歌颂得清楚。Mā就是太伟大了,大大超过人ê语汇所ē-tàng表达。

第4到5节,是祈求ê诗歌,诗人祈求上帝ē-tàng hō͘伊「分享」、「会记得」、「拯救」伊,显然地,诗人感受tio̍h上帝kah他ê子民之间已经有距离。

第6到12节,tùi第6节,诗人用过红海ê例来说明以色列人民tùi hit时开始就犯罪。原因是in一tú-tio̍h红海就埋怨摩西带领in离开埃及,竟然是beh hō͘ in死tī红海(参考出埃及记十四:11—12)。M̄-koh上帝真有耐心,他无受气,却是伸手分开红海ê水,干旱了河床,hō͘以色列人民安然地行过红海,因为án-ne,以色列人民就歌颂上帝拯救ê大爱。

第13到18节,chit段诗歌ê背景kah民数记第十六章记载可拉、大坍、亚比兰ê叛变记事有关。Chia并无提起可拉mā牵涉tī其中,可能是可拉ê众kiáⁿ并无tī chit事件中往生(参考民数记廿六:11),而且后来伊ê kiáⁿ孙lóng tī圣殿参与服事工作。Chit段诗歌mā提起以色列人民ê祖先tī旷野就一再对上帝怨声连连。上帝bat满足in ê需要,m̄-koh mā降「破病tī in中间」。

第19到23节,chit段诗歌kah出埃及记第三十二章1到35节、申命记第九章8到21节等等有密切关系。会用「何烈山」,这显然是根据申命记ê传统(申命记第三十三章2节例外),chit-ê名称tī出埃及记、民数记lóng是用西奈山。以色列人民铸造金牛来代表拯救in脱离埃及奴役ê耶和华上帝,致使上帝大大不满。表示in chiah tī旷野漂流ê时代,就已经bē记得拯救in ê真实上帝。第22节ê「含」是teh指埃及。原本上帝是非常受气,想beh kā以色列人民hō͘ in毁灭,m̄-koh摩西为以色列人民向上帝哀求,恳求上帝kā伊ê名tùi名册上删除,用以换来上帝怜悯、赦免以色列人民。后来上帝只有kā hiah-ê参与拜偶像神明ê以色列人民用瘟疫除掉。

第24到27节,chit段诗歌kah民数记第十三到十四节有关,是摩西差派每一个支族ê代表,去窥探迦南地,结果去窥探tńg来ê探á,只有迦勒kah约书亚两人同意beh继续ǹg向上帝应允ê迦南地去,其余十个支派ê代表lóng极力反对。原因是in认为迦南地ê人硕壮高大,根本就无力量thang进入,只有ē-tàng当in ê奴隶而已。第26到27节ê警语,thang参考利未记第廿六章33节,申命记第廿八章64节,chiah-ê警告后来lóng tī诗人ê时代应验ā。

第28到31节,chit段诗歌thang参考民数记第廿五章,叙述有关摩押人诱惑以色列人民tī比珥弃sak上帝,去拜偶像神明ê事件,结果koh一pái引起上帝用瘟疫严厉惩罚in,佳哉有一位祭司亚伦ê孙á非尼哈,因为看见人民teh kā摩押cha-bó͘-gín-á行淫,犯无应该做ê事,伊kā做hit-ê事ê人刣死,chiah阻止了祸患严重蔓延落去。

第32到33节,chit两节诗歌kah民数记第二十章1到14节ê记事有关。因为摩西被以色列人民为tio̍h缺水ê事烦到无法度忍受,因为án-ne mā对上帝出怨言,结果上帝决定连摩西mā无法度进入应允之地。

第34到39节,chit段诗歌是记载以色列人民进入迦南地了后,m̄-nā无kah迦南人隔离出来,反tńg是kah in通婚,而且跟tòe in ê风俗去拜偶像神明,koh khah惨ê,是国王iáu杀害无辜人民,并且kā家己ê kiáⁿ献hō͘偶像神明(参考列王记下十六:3、十七:17、廿一:6)。In用chit种方式背叛了上帝,hō͘上帝非常痛心。

第40到46节,tùi第43节thang看出这是士师ê背景,in kúi-nā pái被外族人攻击,然后就Tī痛苦中悔改,并请求上帝ê救助,就án-ne上帝一pái koh一pái地差派士师救助in。上帝会án-ne一而再、再而三伸手救助in,是因为上帝信守他kah以色列人民所立ê约,mā用他hit-ê无比ê疼,希望ē-tàng转tńg来in悖逆ê心。第46节指波斯帝国兴起,消灭了巴比伦帝国,塞鲁士王决定释放in tńg去故乡重建家园。

第47节,诗人祈求上帝带领被俘虏四散去做奴隶ê以色列人民tńg去故乡。续落来呼吁所有以色列人民颂赞上帝ê恩典作结尾。

第48节,是诗篇第四集ê结束,kah第一到三段ê结尾lóng仝款,表示chit位慈悲ê上帝应该受tio̍h当有ê尊崇。

重新查询 专卷研经 诗篇系列
错误回报,请联系comm[@]fhl.net