诗篇 105章1节 到 105章45节   背景资料  上一笔  下一笔
Chit首诗歌kah第一○六篇有密切关系;只是chit首诗偏重tī kah上帝之间所立ê约ê关系,kah一○六篇注重tī忏悔犯罪ê焦点上无仝款。Ná亲像第七十八篇仝款,这三篇诗篇lóng是属tī「史诗」。Tī这篇诗篇中,作者采用了亚伯拉罕hō͘ 上帝拣选,直到出埃及记第十七章等篇幅ê背景,讲述上帝拣选以色列人民、立约ê资料。

Chit篇诗歌ê第1到15节,mā thang参考历代志上第十六章8到22节ê诗歌。

第1到6节,chit段诗歌一再呼吁「亚伯拉罕ê kiáⁿ孙」,kah「雅各ê kiáⁿ孙」beh向万国宣扬上帝奇妙ê作为。Tio̍h注意ê是,当圣经讲亚伯拉罕kiáⁿ孙ê时,表示iáu包括以实玛利ê 众kiáⁿ孙。Á讲雅各ê kiáⁿ孙,是teh指十二支派。所谓「奇妙ê事」则kah上帝ê救恩有密切关系,而拯救是kah立约、拣选有关。Mā thang án-ne讲,kui个以色列民族ê历史经历,就是tī kah上帝之间ê「约」中经过ê。Á这「约」是上帝kah in ê祖先亚伯拉罕所立ê,上帝一直遵守tio̍h「约」teh带领以色列民族。

第7到11节,chit段经文开始提起上帝kah亚伯拉罕、以撒、雅各等父kiáⁿ孙等立「约」,并强调chit-ê约会延续到后代kiáⁿ孙「达到千代」lóng永远常存,特别是tī第8节诗人koh一pái提醒以色列人民:上帝是信守约ê上帝,而且chit-ê约是永远ê,会延续到千代kiáⁿ孙身上。Tio̍h注意ê是第11节,提起约ê内容包括上帝beh kā「迦南地赐hō͘」亚伯拉罕kah伊ê kiáⁿ孙作为khiā起ê土地(产业),chit件事thang看创世记第十三章15、17节。

第12到15节,chit段诗歌讲出出埃及进入旷野ê背景,以色列民族确实是「人数有限」ê小国小族(参考申命记七:7—8)。特别注意是第15节提起「拣选ê奴仆」、「我ê先知」,这两词意义仝款,lóng是teh指君王ê意思。Á君王表示ê是「受膏者」、「领袖」,mā thang用来当做「族长」解释。

第16到22节,chit段诗歌ê背景是创世记第三十七到四十五章(第三十八章除外),记载约瑟hō͘伊ê兄弟出卖去埃及做奴隶,m̄-koh上帝有奇妙ê手,他kah约瑟同在,赏赐hō͘约瑟有智慧知影怎样解开梦ê启示,tùi án-ne得tio̍h埃及法老王ê赏赐,并赋予伊当首相掌管全埃及国政。人ê pháiⁿ念头,上帝有美好ê旨意。

第23到36节,chit段诗歌ê背景是创世记第四十六章到出埃及记第十二章,谈及雅各知影siōng疼ê kiáⁿ约瑟当上埃及宰相,并且要求伊带全部家人进入埃及躲避严重ê饥荒,以及雅各一家人进入埃及后,tī埃及过富裕ê生活,并且繁延下代kiáⁿ孙众chē,致使埃及人恐慌kah不安。就án-ne有新国王改变了国家政策,开始迫害雅各ê kiáⁿ孙以色列人民。

上帝差派摩西kah亚伦带领以色列人民行出埃及,透过真chē神迹奇事,最后安然地tùi埃及离开。为tio̍h beh带领以色列人出埃及,上帝行了真chē神迹,chiah-ê神迹奇事记载tī出埃及记第七到十一章,最后一个神迹,就是kā埃及境内所有ê大kiáⁿ lóng「刣死了」,mā同时刣灭了所有「头胎」ê动物cheng-seⁿ。Án-ne,埃及国王chiah只好放以色列人民离开埃及。

第37到42节,chit段诗歌ê背景就是出埃及记第十三章以后,以色列人民离开埃及了后,进入旷野漂流ê经过。特别描述tī旷野漂流期间,因为无食物,上帝「tùi天顶降粮食(吗哪)喂饱in」,mā差「鹌鹑」hō͘ in有肉食,并且tùi「石磐,hō͘泉水涌出」,解除了in tī漂流旷野ê时所tú-tio̍h ê饥渴。M̄-nā án-ne,上帝iáu用「云彩」遮日时炎阳ê暴曝,「夜间用火照亮in」,hō͘ in tī日夜温差极大ê旷野,也ē-tàng安然经过。Chiah-ê lóng是上帝奇异ê恩典。

第43到45节,chit段诗歌是Chit篇ê结尾,诗人用简单ê进入迦南「异族ê土地赐hō͘」以色列人民作结尾,希望以色列人民会真正遵守上帝hō͘ in ê律法诫命。这thang tùi约书亚记第廿四章看出,以色列人民teh带领in进入迦南应允之地ê约书亚面前chiù-chōa,表示in一定会遵守上帝hō͘ in ê律法诫命。

重新查询 专卷研经 诗篇系列
错误回报,请联系comm[@]fhl.net