诗篇 10章1节 到 10章18节   背景资料  上一笔  下一笔
这是一首祈祷ê诗歌,是tī苦难中祈求上帝拯救、帮助ê诗歌。

第1到4节,tùi第1节就thang看出诗人面临性命极大痛苦而发出ê声音。伊感觉上帝距离伊真远。续落来伊向上帝祈求,hō͘ hiah-ê邪恶、傲慢、欺压人ê人,ka-la̍uh tī家己所设计用来陷害人ê罗网中。Chit-ê诗人特别说明toh种人是邪恶ê人,tī第3到4节讲「夸耀家己ê欲望」、「贪婪」、「抗拒并蔑视上主」、「心高气傲,不求告上帝」等,换句话讲,就是心中无上帝ê人。

第5到11节,chit段诗歌讲出邪恶人ê特质,á是讲in表现出来ê现象,有下列几个特徵:in会认为家己做事lóng真顺利,却m̄知上帝ê审判tú-teh thèng候;认为家己所做ê事lóng bē失败,开嘴就是诡诈、恐吓、恶毒ê话;会残害无辜ê人,像狮一般会藏身tī暗处,然后攻击hiah-ê无依无靠ê人;然后iáu洋洋得意讲:上帝不理世间ê事。In就是因为有chit种心态,chiah敢嚣张到án-ne。

第12到18节,诗人知影上帝一定会看顾他亲手所创造ê世界,因为án-ne,伊祈求上帝出来主持公道,进行公义ê审判,对邪恶ê人hō͘ in严厉ê打击,hō͘受苦ê人ē-tàng得tio̍h伸冤。一个人会án-ne祈祷,表示chit-ê人对公义ê上帝有信心。虽然眼见恶人当道,m̄-koh诗人iáu是相信上帝必定会审判,替孤苦无助者伸出援手。因为诗人真清楚知影上帝「一向帮助孤寡无告ê人」,mā是鉴察世间一切ê主。

重新查询 专卷研经 诗篇系列
错误回报,请联系comm[@]fhl.net