诗篇 1章1节 到 1章6节   背景资料  上一笔  下一笔
Chit首诗thang分做两段落,to̍h是第1到3节kah第4到5节,第6节是结论。前段是谈及好人,mā就是照上帝旨意去行ê人。后段则相对ê违背上帝旨意ê人。

第1节,连续提起三种人,一是「恶人」,二是「罪人」,三是「侮慢上帝之徒」。抵挡chit三种人ê方式,就是「不听从」、「不跟tòe」、「m̄ kah之仝伴」。诗人讲chit种人才是「真正有福」ê人,意思是teh指tī上帝面前有喜乐ê人。

第2节,chit节讲出第1节所讲ê ē-tàng抵挡邪恶势力ê人,是真正以上帝ê话(律法)为根据ê人。因为有上帝ê话做基础,chiah ē-tàng辨别善恶ê无仝,mā chiah会有能力抗拒诱惑。

第3节,chit节thang参考耶利米书第十七章7到8节。Chit节回应了第2节所提起ê,真正用上帝ê话作性命基础ê人,会亲像栽种tī溪水边ê果子树仝款,性命永远欣欣向荣,充满tio̍h活力。

第4到5节,chit两节tú好kah第3节呈现对比。

「糠秕」是teh指hiah-ê外壳看起来好看,m̄-koh,无内容ê粟á,只要风一吹就飘行。无以上帝ê话为性命内容ê人mā是án-ne。诗人讲,chit种人就是只知影作恶ê人。结局会tī kah上帝关系亲密ê「义人」中受淘汰掉。

  第6节,讲出chit首诗歌ê结语,就是好人kah pháiⁿ人之间一定会有无仝ê结局。

重新查询 专卷研经 诗篇系列
错误回报,请联系comm[@]fhl.net