箴言 1章20节 到 1章33节   背景资料  上一笔  下一笔
相对tī头前一段讲述聪明ê人会接受有智慧ê父母之教导、训诲。Á chit段经文就是提起「愚戆ê人」必定会tú-tio̍h ê灾难。这mā说明箴言真清楚ê一个基本信念基础:善有善报,恶有恶报。

Chit段经文主要teh说明愚戆ê人—藐视智慧ê人、m̄敬畏上主ê人—就是「偏行己路」,不听从上帝ê教示(参考诗篇第一篇),最后会因为愚戆而自食恶果。

    第20到21节,chia一开始讲「智慧tī街市kah广场上呼唤」,chit种笔法mā是希伯来文学ê特色,ài用「拟人化」ê方式表达某一kóa思想、观念,chit段就是kā「智慧」hō͘ in「拟人化」,ná亲像第九章1到12节。

另外一个真有意思ê所在,是chia ê「智慧」一词,tī希伯来文是用「阴性」名词,表示ná亲像老母teh谆谆教导家己ê子女仝款,告诫家己ê kiáⁿ一定tio̍h严守规律,bē-tàng违抗。

「街市kah广场」kah「城门边kah人群真kheh ê所在」等词句,其意思lóng仝款,mā就是teh指公众出入繁多ê场所。

    第22到25节,chit节说明愚戆ê人ê特性,就是心硬,听bē落去智慧之言ê劝勉,in siōng大ê特点就是「轻蔑知识」。Chit种人无论甚么人「呼唤」伊,伊lóng是「m̄听」,m̄-nā án-ne,而且是连chhap都「m̄-chhap」,拒绝智者ê「纠正」。

    第26到32节,chit段经文描述拒绝智者之劝勉、纠正ê愚戆者,mā就是「一向无ài知识,mām̄敬畏上主」ê人,到最后必定会「遭遇不幸」,伊是hō͘家己ê恶质行踏所伤害,bē-tàng怪别人。

	第33节,相对顶面所讲ê愚戆人,就是所谓智慧ê人,chit种人会听从智慧ê呼吁并学习智者ê教导,伊必定有安全ê日子,而且会「享受康宁,m̄惊灾害」临身。

重新查询 专卷研经 箴言系列
错误回报,请联系comm[@]fhl.net