箴言 1章1节 到 1章6节   背景资料  下一笔
Chit章thang分做两个部分来看,一是第1到19节,chia是先绍介chit本箴言ê作者,续落来就是kā少年人讲tio̍h听chiah-ê箴言。二是第20到33节,这部分先说明智慧ê重要性,因为智慧就是代表认bat上帝。续落来讲只有愚戆ê人轻视、不尊重智慧。

Chit段经文开始就说明chit本经册是「箴言」,它ê功效是会hō͘ 读者得tio̍h智慧。

第1节,chia开始就讲这是「以色列王所罗门ê箴言」,m̄-koh实际上是m̄是真正是所罗门ê作品,bē少圣经学者采取保留ê态度。只是因为所罗门王hông称做是「智慧ê君王」,因为án-ne,有kóa并m̄是属tī所罗门王ê作品,mā被归类tī所罗门王ê名下。亲像第廿二章17节到第廿四章34节、第三十章、第三十一章等。

所罗门王之所以hō͘人认为是siōng有智慧ê君王,列王记上第三章以伊向上帝祈求赏赐智慧hō͘伊,并用一则「审断疑难案件」为例,说明伊确实是tùi上帝得tio̍h非常特别ê「智慧」,连远tī非洲ê「示巴女王」都慕名而晋见伊(参考列王记上十:1—13),列王记ê作者甚至讲伊比「世间任何一国ê君王koh khah富有,koh khah聪明。全世界ê人lóng想觐见所罗门,beh听上帝赐hō͘伊ê智慧ê话」(参考列王记上十:23—24)。

第2节,chia讲本经册ê「箴言」会hō͘ 读者认bat「智慧kah训诲」。「智慧」一词是chit本经册siōng重要ê词字,chit本经册mā lóng是用chit-ê词为基础,总共出现四十一pái,可见编者ê用意,是希望读者ē-tàng因chit本册koh khah有「智慧」。

第3到6节,chit段经文说明「智慧」ê功用,ē-tàng hō͘人「过明智ê生活」,表示chiah-ê智慧是thang应用tī日常生活中,hō͘人知影怎样过诚实ê生活,作一个「公正、正直ê人」。Bē致使成做「无知ê人」,而且ē-tàng帮助少年人「处事有方」,而且ē-tàng「增长学问」,而且「hō͘明达ê人得tio̍h开导」。「开导」一词是teh指掌握方向舵,知影航行ê方向。换句话讲,一个有智慧ê人,伊会择善固执行tī正确ê道路上。

「无知」一词mā是箴言chit本经册中非常重要ê词字,出现chē kah十五次。「无知」是teh指「愚戆」、容易「受诱惑」ê意思。

重新查询 专卷研经 箴言系列
错误回报,请联系comm[@]fhl.net