Chit段经文kā所有献祭ê总数作一个统计，mā thang看出以色列人民对上帝ê感恩之情非常重。M̄-koh khah重要ê意义，应该是teh强调每一个支派teh敬拜上帝ê事顶面lóng仝款同等重要，无支派大细之分，而且每一个支派lóng支持圣幕kah祭司tī圣幕中ê角色kah工作。Koh讲，献祭kah事奉mā teh表明以色列人民kah上帝之间亲密、bē-tàng分ê关系。

可惜ê是后来因为信仰变了质，致使献祭ê态度mā大为改变，hō͘献祭ê意义mā变质，已经会失去本来信仰ê意义，这mā是主前第八世纪先知阿摩司、弥迦所谴责ê，讲上帝并无真正喜爱人ê献祭，无论献祭jōa-chē，lóng bē因为án-ne soah取悦上帝。因为上帝只希望in会用无变ê疼、谦卑ê心灵kah上帝同行，并且知影实行公道、维护社会正义（参考阿摩司书五：21—24，弥迦书六：6—8）

第89节，chit节mā是回应了出埃及记第廿五章22节，讲上帝亲自降临tī圣幕中，而且透过约柜亲自kah摩西讲话，这表明存放约柜ê所在，mā是上帝显现ê所在。Mā thang án-ne了解：听tio̍h上帝kah人对话ê神圣之地，就是kah上帝立约ê所在。

注意chia ê「柜盖」原本有一个意义，表示「施恩座」，mā就是「覆盖」ê意思，指kā人ê罪藉tio̍h上帝ê慈爱kā它盖过去，这mā就是「赎罪」ê原意。