民数记 31章25节 到 31章54节   背景资料  上一笔  下一笔
Chit段经文是关系分配战利品ê方法。

第25到31节,摩西ài大祭司以利亚撒点算一下所有战利品。Kā它分做两半,一半hō͘军队,一半hō͘全体以色列人民。其实,这mā是任何早期人类社会战争胜利者ê共同现象。然后tùi hō͘军队中ê战利品抽出五百分之一当做献祭hō͘上帝,mā就是交hō͘大祭司以利亚撒分配给众祭司。然后tùi人民中间抽出五十分之一hō͘利未人。

第32到47节,chit段描写战利品ê清单,ē-sái讲是相当丰富,单tùi「处女」人数就高达一万六千名,就ē-tàng知影差不多是kui个米甸人lóng被消灭à。

第48到53节,chit段经文讲以色列军队chit-pái出兵攻打米甸人,结果无任何一个人死亡,因为án-ne,in kā所得tio̍h ê贵重金银首饰全部lóng交出来hō͘摩西处理,当做献祭hō͘上帝。

其实,读chit章mài认为以色列军队成(chiâⁿ)实kā米甸人全部lóng刣死、灭亡à。无。Chit点tùi士师记第六到八章就thang看出来。当以色列人民进入迦南地了后,iáu是仝款不时遇tio̍h米甸人ê攻击、骚扰,因为án-ne chiah有基甸被呼召出来当士师,领导以色列人民对抗米甸人。


重新查询 专卷研经 民数记系列
错误回报,请联系comm[@]fhl.net