民数记 30章9节 到 30章16节 背景资料 上一笔 下一笔 |
Chia讲tio̍h ê lóng是已婚妇女chiù-chōa下愿ê事。 第9节,这是teh指寡妇á是离婚妇女,因为丈夫已经无tī身边,伊无论发甚么誓,许怎样ê愿,lóng一定tio̍h遵守。伊ê父母á是kiáⁿ lóng无权力hō͘ in阻止á是反对。 第10到14节,chit段经文真清楚说明,许了愿ê bó͘,伊ê丈夫拥有决定权。M̄-koh仝款ê,lóng一定tio̍h tī听tio̍h了后马上表示同意á无,若无,tī过了hit工了后,就失去约束力。 第15节,任何丈夫若是已经听tio̍h bó͘所许ê愿却无阻止,后来反悔á坚持改变,就一定tio̍h家己承担后果。 第16节,chiah-ê chiù-chōa下愿ê规定,lóng是摩西照上帝颁布hō͘伊转交hō͘以色列人民遵守ê。 Tùi以上ê条例来看,以色列妇女tī社会ê地位iáu是真低,in ê cha-po͘人有相当ê影响权利。M̄-koh相对ê,cha-po͘人有相当权利ê时chūn,mā同时teh表示cha-po͘人有责任照顾cha-bó͘人ê安危。伊m̄是随便表示意见,á是beh负起保护ê责任。 |