民数记 26章1节 到 26章4节   背景资料  上一笔  下一笔
Chit章是关系以色列民族进行第二pái户口普查。Tùi第一章记载以色列人民离开埃及进入旷野后ê第二年,进行第一pái户口普查,当时统计总人口,年满二十岁以上,而且有作战能力ê cha-po͘人是六十万三千五百五十人(参考一:46)。到chit-má快进入迦南地chìn前,koh一pái举行户口普查是真重要ê,chit-pái普查ê结果是六十万一千七百三十人(廿六:51),减少了一千八百二十人。比较这两pái ê普查结果,人数并无甚么成长,可见第十四章29节所讲ê「二十岁以上ê人,无一人ē-tàng进入」迦南地ê预言已经实现(廿六:64),真chē人陆续tī途中往生。因为chit期间已经发生kúi-nā pái ê瘟疫,以及想beh窜夺摩西、亚伦领导地位引发叛乱ê事件等,lóng死去bē少人。Á犹大支派一直是人数siōng chē ê一族。值得注意ê是西缅支派tùi本来ê五万九千三百人(参考一:23),减少到二万二千二百人(参考廿六:14),成做全部十二支派中siōng弱小ê一支,这mā为后来西缅支派被犹大并入先记落来一个伏笔。玛拿西则成长siōng chē ê一族。

第1到2节,chit-pái ê清点人口,mā是为tio̍h beh进入迦南地作chìn前准备。每pái清查户口lóng是听从上帝ê命令á行。登记入案ê人口数目,仝款是用「二十岁以上、ē-tàng作战ê cha-po͘人」chiah登记落来。这有一个真重要ê因素,beh为进入迦南地作战准备。

第3到4节,chit两节说明以利亚撒接落老父亚伦ê角色,成做摩西ê帮手。Chia mā清楚记明地点就tī耶利哥城对岸约旦河边ê摩押平原。这表示只要pôaⁿ过约旦河,就是进入迦南应允之地à。


重新查询 专卷研经 民数记系列
错误回报,请联系comm[@]fhl.net