民数记 25章1节 到 25章5节   背景资料  上一笔  下一笔
若是kā chit章记述ê事件,对照第三十一章前段之叙述来看,就会发见以色列人民弃sak上帝ê事件,是kah巴兰有密切关系。其实,chit章是由两个传承ê资料合编做伙;一是第1到5 节,二是第6到18节。前段是讲以色列人民tī什亭谷扎营ê时chūn,参与摩押人敬拜in ê神明kah比珥ê所在神明巴力,因为án-ne带来一个严重后果,就是真chē以色列人民ê领袖丧生。参与敬拜,表示承认in ê神明,这是相当严重ê背弃诫命。后段描述有以色列人民犯淫乱罪,致使引发瘟疫á害死真chē以色列人民,后来被祭司以利亚撒ê kiáⁿ非尼哈看见犯淫乱罪ê人,并刣死ná人才致使瘟疫病情停止。

Chit章mā teh说明以色列人民beh进入迦南地chìn前,一定tio̍h非常清楚家己是「圣洁ê子民」,不准有任何淫乱、不洁ê行为。作者khah强调ê是:以色列人民因为敬拜摩押神明,引起了上帝ê愤怒,致使瘟疫蔓延tī人民中间,chit时ê以色列人民m̄-nā无警醒,iáu kah外邦ê cha-bó͘-gín-á进行淫乱ê宗教行为,chiah有非尼哈刣死犯罪者ê行动。Á这行动teh表明一件事:除去罪恶,tńg来到圣洁ê人民身分。

Chit段是描述以色列人民犯了拜偶像神明ê淫乱罪,摩西tī上帝指示下处决了hiah-ê带头ê首领。

第1节,chit节讲以色列人民扎营tī「什亭谷」,这是设tī耶利哥城对面ê所在,约书亚tùi chia差派两个探子进入来迦南地去进行「秘密侦察」,看hit-ê城ê虚实(参考约书亚记二:1)。Tī chia有人kah「摩押cha-bó͘人行淫」,chiah-ê cha-bó͘人应该是属tī庙宇ê妓女。

第2到3节,tùi chia就清楚第1节所提起ê kah摩押cha-bó͘-gín-á行淫ê原因,是tī「比珥」拜当地巴力神明祭典,tī祭祀庆典后,参与筵席并kah庙妓行淫,因为chit项事件引发上帝极大ê忿怒。

第1到5节,上帝指示摩西一定tio̍h严惩处死chiah-ê以色列人民ê领袖,因为若无án-ne,真可能无法度约束以色列人民对上帝心存忠实,成做圣洁子民以进入迦南应允之地。Chit种情形就ná亲像在出埃及记第三十二章,以色列人民背叛上帝,铸造并拜金牛,引发上帝忿怒á由利未族人出手惩罚hiah-ê带头拜金牛ê人民仝款。

重新查询 专卷研经 民数记系列
错误回报,请联系comm[@]fhl.net