Chit段经文强调引诱以色列人民犯奸淫罪ê就是米甸ê cha-bó͘人，有几种对chit段经文ê看法：一teh表示对前段描述以色列人民犯奸淫罪ê解说，因为以色列人民一再犯奸淫，而且虽然有处置，人民iáu-koh不听，结果koh因为án-ne带来瘟疫ê惩罚á死去二万四千人。二是说明以色列人民tī chit所在khiā起ê时间khah长些，就已经看见in kah当地人混合做伙，并且学会晓了in ê宗教信仰kah生活行为。结果带来ê是koh khah大ê灾难。三是teh说明祭司ê角色真重要，ná亲像出埃及记第三十二章描述以色列人民铸造金牛去拜，背叛上帝，是利未支族ê人进行洁净ê举动，chiah避免灾难扩大。chit-má是祭司非尼哈kā诱惑以色列人民犯奸淫ê cha-bó͘人刣死。

第6到9节，tùi第6节thang看出有一个名叫「心利」ê以色列人（第14节），竟然敢公然tī摩西kah众人面前带米甸ê cha-bó͘人进入帐棚行淫，chit时chūn，tú好是大家chiah teh为前次因为淫乱罪á遇tio̍h死刑处置ê领袖哀伤，却有人iáu敢án-ne嚣张行踏，表示以色列人民脱序ê行为jú来jú严重。祭司非尼哈决定beh洁净chit-ê tāi-chì，m̄准有chit种事发生，因为án-ne，伊tòe这两人ê背后进入帐棚，kā chit两个人杀害，阻止以色列人民继续犯罪ê行为。M̄-koh为tio̍h án-ne件淫乱ê事，以色列人民付出相当大ê代价，遇tio̍h瘟疫ê打击有二万四千人死去。

后来使徒保罗引用chit段记事，劝勉哥林多教会信徒bē-tàng信了耶稣了后，iáu继续kah当地人仝款teh过淫乱无清气ê信仰生活，因为tī chit-ê事件中有「二万三千人倒毙」（参考哥林多前书十：8），tī数字上kah民数记chia相差有一千人。其实，重要ê m̄是tī数字正确á无，却是tī行为准则。

第10到13节，chit段经文说明上帝喜爱亚伦ê祭司家族，肯定非尼哈所代表ê家族，chit-ê家族当祭司绝对不容有任何怀疑。后来mā一再提起非尼哈kah伊ê家族ê人tī以色列民族中占有真重要ê角色kah地位（参考民数记三十一：6—12，约书亚记廿二：13、30、32，士师记二十：27—28）。诗人讲因为非尼哈ê洁净动作，lóng受后代以色列人民ê记念（参考诗篇一○六：28—31）。

另外一方面，chit段经文mā回应了第1到5节ê事件，表示以色列人民绝对bē-tàng kah迦南地ê宗教行为仝款，一定tio̍h严格区隔出来。因为迦南地ê宗教信仰有严重ê淫乱现象。

第14到15节，chit两节绍介西缅kiáⁿ孙中ê一个族长，á hit位米甸cha-bó͘人mā是出身首领ê cha-bó͘-kiáⁿ。这lóng teh表示犯罪者，m̄是一般人，却是领导阶层者，chit种领导者敢án-ne带头犯罪，若无hō͘ in严格而且马上处置，真容易hō͘ kui个以色列人民陷入纪律败坏ê行为，kah迦南人无分别。其实这mā是teh表示：chit件事m̄是单独个人行为，却是kui个部落ê集体行动，chiah会因为án-ne淫乱事件致使集体死亡ê惨痛结果。

第16到18节，chit段经文主要teh说明以色列人民kah米甸人之间ê冲突ê原因。