民数记 22章21节 到 22章35节   背景资料  上一笔  下一笔
Chit段显然kah前段记事有矛盾ê所在。前段描述巴兰是一个真忠实tī上帝ê奴仆,m̄-koh chit段却记载巴兰接受上帝旨意beh去见巴勒王,却tī半途中tú-tio̍h极大ê阻碍。Thang án-ne了解:这可能是来自两种无仝ê传统资料。Koh讲,mā thang看出有kóa上帝奴仆确实是经不起重金ê诱惑á偏离了原本忠实ê心志。

第21节,就án-ne,巴兰听从了上帝hō͘伊ê启示,决定kah chiah-ê特使同齐前往摩押去见巴勒。

第22到30节,ná亲像头前所讲述过ê,真可能巴兰心中已经开始摇动。因为án-ne,上帝无欢喜伊去。M̄-koh伊开始不听从上帝ê阻止,硬是beh去。就án-ne上帝差遣天使出来阻止伊。天使手中掠tiâu剑,有趣味ê是巴兰看bē-tio̍h天使,伊ê驴á却看tio̍h,这mā teh隐喻受tio̍h迷惑ê上帝奴仆,比起一般人认为「笨驴á」ê家畜是iáu koh khah笨。巴兰ê驴á行到田里,表示无愿意行正路ê意思。M̄-koh,巴兰一直ài驴á行tńg来道路,却bē记得家己应该tio̍h行tńg来正路。

驴á koh一pái前行,行到一条狭隘ê巷道上,看见天使tī头前,巴兰iáu是看bē-tio̍h。驴á故意行靠墙边,hō͘巴兰ê脚擦伤,巴兰一直认为是驴á不听话,phah驴á。M̄-koh驴á却清楚看见天使tī头前,chit-pái,驴á故意蹲落来不行,其实,驴á希望主人巴兰看见天使手中掠tiâu剑,就是beh阻止伊去以色列人民ê营区讲无应该讲。M̄-koh巴兰显然看bē-tio̍h天使,只看见驴á不听话,伊m̄知家己chiah是不听话ê上帝奴仆。

第31到35节,因为巴兰一再phah驴á,天使就hō͘巴兰看会tio̍h。巴兰一看见天使手中握剑,就赶紧趴tī土脚。天使kā巴兰讲有三pái ê机会,lóng是透过驴á阻止伊前进。原本天使手中ê剑thang刣死巴兰ê。

巴兰承认家己错误,愿意听从天使ê指引。天使hō͘伊ê指引是「thang去」,m̄-koh一定tio̍h照上帝ê旨意讲话。

重新查询 专卷研经 民数记系列
错误回报,请联系comm[@]fhl.net