民数记 20章22节 到 20章29节   背景资料  上一笔  下一笔
Chit段经文记载亚伦往生,以及伊ê kiáⁿ以利亚撒继承大祭司ê职务。因为亚伦tī以色列人民中占有真重要ê地位,因为án-ne,摩西带领全体以色列人民为伊举行三十工ê丧期。

第22到26节,被以东人拒绝借路过境后,摩西只好带领以色列人民改变行入ê方向,in离开加低斯来到何珥山,mā就是tī「以东ê边界」ê所在。就tī chit-ê所在,上帝向摩西转达亚伦往生ê时间teh beh到,ài伊带亚伦kah以利亚撒到山顶去,tī hia为亚伦准备继承者,就是亚伦ê kiáⁿ以利亚撒续接亚伦当大祭司ê职分。

第27到29节,摩西一向lóng是上帝伊就遵守,无第二个想法。伊带tio̍h亚伦kah以利亚撒上山去,并且thǹg掉亚伦大祭司ê袍,hō͘以利亚撒穿上,就变成以利亚撒继承亚伦为大祭司。就án-ne,亚伦tī何珥山顶往生。Chit种tī山顶ê礼仪,mā被看做是上帝亲自主持ê大祭司加冕礼仪,是神圣ê。因为大祭司是beh代表kui个以色列民族向上帝献祭,á伊管理ê对象是所有ê祭司。工作kah地位lóng teh表明伊tī职责上ê重要性。

摩西kah以利亚撒并无kā亚伦带到山落来,却是hō͘亚伦死tī山顶,上帝会亲自安葬伊,ná亲像摩西后来mā是上帝亲自安葬仝款(参考申命记三十四:5—6)。M̄-koh lóng无减损亚伦tī以色列人民心中ê地位,in为伊举哀长到三十工ê时间,表示对伊ê崇敬。


重新查询 专卷研经 民数记系列
错误回报,请联系comm[@]fhl.net