民数记 19章1节 到 19章10节   背景资料  上一笔  下一笔
Chit章主要是记载有关án怎举行洁净礼。对以色列人民来讲,维护圣幕ê洁净是非常重要ê一件事。因为圣幕teh代表神圣ê上帝khiā起tī in中间。因为án-ne,任何会造成污秽圣幕ê事,lóng会看做是真严重ê事,需要设法洁净。Án-ne,若是有人因为接触tio̍h任何无清气ê事,就需要进行洁净礼,了后,chit-ê人chiah thang接近圣幕。

比较困难ê原因,是无解释为甚么ài做chit种献祭?而且是用红母牛,表示这是kui个族群有问题chiah需要hiah-ni̍h大费周章。

Chit段经文记载怎样行洁净礼,kah一定tio̍h准备洁净礼ê物件。

第1到2节,准备洁净礼是一只无耕做过ê红母牛,而且一定tio̍h是无任何残缺ê,因为这是beh献祭用ê。

第3到4节,kā红母牛交hō͘祭司以利亚撒,mā就是亚伦ê kiáⁿ来执行献祭ê工作。作法就是kā宰杀母牛流出来ê血,用chéng头á ùn牛血洒向圣幕「七pái」。M̄-koh tio̍h注意ê,这是tī「营外」宰杀,表示无清气,bē-tàng tī圣幕外,却是tī营区外。免得因为无清气接近圣幕á koh一pái污秽了圣幕ê洁净kah神圣。

第5到8节,chit只红母牛是全只lóng烧化掉,包括负责烧化ê人,kah祭司lóng ài beh进行洗涤衫裤,因为in接触ê是代表无清气ê记号。

第9到10节,红母牛烧化后ê火灰,好thang保存落来,khǹg tī营区外面「一个洁净ê所在」,当做洁净ê用品。

重新查询 专卷研经 民数记系列
错误回报,请联系comm[@]fhl.net