民数记 17章1节 到 17章5节   背景资料  上一笔  下一笔
Chit章记载一则顶港有名声下港有出名、流传甚久ê故事,就是亚伦手中ê拐á,原本并m̄是甚么特殊ê物件,是顾羊人teh看守羊群ê时必备ê工具。M̄-koh tī上帝特别ê赐福之下,变成有性命力ê记号。

「杖」,tī希伯来文kah「支派」同字。因为án-ne,chia虽然是讲「杖」,mā有「支派」ê意思。

第1到2节,「十二支杖」,其实真清楚,表明ê就是以色列民族ê十二个支派。每一个支派ê领袖lóng有一条,每根杖lóng tio̍h刻上支派ê名。

第3到5节,利未支族ê拐á,就是刻tio̍h亚伦ê名,表示亚伦chiah是利未支派ê代表者。然后kā这十二支杖lóng带到圣幕里ê约柜前,表示kah上帝见面ê意思。Tī十二支杖中,看tó一支会发芽,就表示上帝拣选tó一个人当代表。Chit种作法就ē-tàng看出上帝beh hō͘全体以色列人民知影,甚么人有祭司ê角色,m̄是家己决定,却是上帝teh决定。

杖会「发芽」,表示有性命力。因为会发芽,chiah会开花。表示性命ê丰富。

Tī旧约圣经所代表ê意思是teh指以色列国会复兴。亲像:以赛亚书第廿七章6节:将来雅各会钉伊ê 根;以色列会发芽开花,in ê 果子会充满世界。(全民版)」先知何西阿预言tī上帝医治好后ê以色列人民,「伊ê 枝会伸长,伊ê súi 会亲像橄榄树;伊ê 芳会亲像黎巴嫩。(全民版)」(何西阿书十四:6)
重新查询 专卷研经 民数记系列
错误回报,请联系comm[@]fhl.net