民数记 14章26节 到 14章38节   背景资料  上一笔  下一笔
Chit段经文记明上帝对以色列人民严厉ê惩罚。

第26到29节,上帝ài摩西kah亚伦去向以色列人民传达他惩罚ê信息,就是因为in既然祈求boài进入迦南应允之地,上帝就成全in,chit种成全方式,就是hō͘ in中间二十岁以上ê人,「无一人ē-tàng进入」迦南应允之地。

第30到32节,迦勒kah约书亚chit两位领袖,因为对上帝有够额ê信心,因为án-ne,二十岁以上ê,就是in两个人会得thang进入迦南地。Á二十岁以下ê新生代lóng thang进入。其余ê lóng会死tī旷野ê所在。

请注意,chia ê「二十岁以上ê人」,就是hiah-ê tī户口普查ê时,thang用来相刣ê壮丁。换句话讲,chiah-ê人lóng深受埃及文化、思想ê影响,认为埃及chiah是siōng坚强ê国家。In并无真正认bat上帝用神奇ê气力带领in出埃及,行过红海,tùi天顶降落吗哪等等chiah-ê奇妙ê神迹,犹原相信只有军事力量chiah是真正,这成(chiâⁿ)实是「奴隶性」甚重ê人民,chit种人民是无法度成做新国民,建立新国家ê。

第33到35节,mā因为án-ne,即使新生代beh进入应允之地迦南,时间mā延长,原本已经是目的地teh到à,chit-má却因为án-ne soahhō͘ 上帝惩罚拖延,计算ê方式,就是chiah-ê探子入去探勘四十工,以每工换一年算,一定tio̍h长到四十年时间满了,chiah会得thang进入迦南地。Á chit段时间,in kā继续tī旷野漂流,经历艰困ê生活。原因是in一再埋怨上帝,对上帝失去信心。Mā tùi chia thang看出,不时埋怨上帝,对上帝无信心ê人,就一定tio̍h付出真贵ê代价。

第36到37节,另外对tī chiah-ê散布不诚实话ê人,上帝用瘟疫惩罚in,这mā是一种终止谣言散播ê方式。

重新查询 专卷研经 民数记系列
错误回报,请联系comm[@]fhl.net