民数记 13章1节 到 13章20节   背景资料  上一笔  下一笔
第十三章kah第十四章lóng是记载有关摩西派人先去迦南地窥探ê事。

第十三章是记载in去探勘tńg来后,四界去传达迦南地ê情景,并且强调讲mài进入迦南地。

上帝ài摩西tùi以色列ê十二个支派,每一个支族拣选一个领袖作代表去勘查迦南地。这是为tio̍h以后beh khiā起tī迦南地,一定tio̍h先进行实地勘查ê工作。

第1到15节,chit项选派领袖去勘查ê方式,就是tùi每一个族派出一名代表,十二支派共计十二个人。In主要勘查ê项目包括有:人口、土地、国势强弱、环境好bái等等。值得注意ê是犹大支派ê代表「迦勒」,以及以法莲支派ê「何希阿」chit两位。后来ê犹大支派成做南国ê主力,á北国以色列,就是由以法莲支派来管理。迦勒kah何希阿lóng是强力主张应该照上帝ê指示进入迦南地ê代表。

第16节,「嫩ê kiáⁿ何希阿改名成做约书亚」。何希阿,chit-ê名ê意思是「救恩」,á「约书亚」名ê意思是teh指「耶和华拯救」。

第17到20节,摩西吩咐chiah-ê代表进入迦南地,tio̍h注意几件事:一是地理环境;二是有jōa-chē人口;三是人口ê素质;四是防卫系统是m̄是周全;五土地是m̄是肥。最后是ài in kā当地土产ê果子带tńg来。因为tùi果子是m̄是肥硕,就ē-tàng看出土地以及当地农业栽种ê状况。

重新查询 专卷研经 民数记系列
错误回报,请联系comm[@]fhl.net