Chit章是民数记中真重要ê一段文献。Tī旷野流荡ê四十年时间里，以色列人民ē-sái讲是抱怨连连，每pái tú-tio̍h困难，就会发生怨言。M̄-nā是食ê，mā有lim ê，mā有瘟疫等等。

头前十章lóng一再重复讲以色列人民lóng遵照上帝命令摩西一一地去做，chit-má却随时讲tio̍h以色列人民「tú-tio̍h困难，开始埋怨上主」。其实，chit种埋怨ê事tī出埃及记中一再出现。

第1节，chia并无说明in是为甚么事á埋怨上帝。M̄-koh上帝听见in埋怨ê声音，因为án-ne用「降火tī in中间，烧毁了营地ê一端」。圣经mā一再用「火」来表示上帝ê忿怒（参考申命记四：24），表示一种无法度抗拒ê气力。

第2到3节，以色列人民看见营地被火烧毁了一端，吓(heⁿh)惊mā惊惶，赶紧祈求摩西向上帝祈祷怜悯in，án-ne火就熄灭à。Hit所在方就称做「伊备拉」，表示有火烧ê意思。