Chit段经文描述以色列人民移动ê情景。

第11到12节，头前有讲过，只要上帝ê云彩上升，in就拆营移动。Chit-pái in tùi扎营前后总共有十三个月koh二十工ê西奈山下，移动到巴兰旷野ê所在。

第13到16节，ná亲像头前已经叙述过ê，kui个旷野行动ê中心思想，就是遵照上主hō͘摩西ê命令前进。Chit句话m̄-nā表示in对上帝ê顺服，mā teh说明kui个族群ê活动lóng是真有组织、秩序ê。Chia讲in照顺序移动，而且一队一队地移动。

第17到21节，chit段经文讲述利未族人拆下圣幕后，由革顺kah米拉利这两宗族ê人扛圣幕。哥辖宗族是负责扛圣幕里ê器皿。革顺kah米拉利行头前，等哥辖宗族ê人来到，先头ê这两族已经kā圣幕架好，哥辖族ê人只要kā器皿带到，祭司就会kā chiah-ê器皿pái设妥当，to̍h ē-sái每工进行敬拜上帝ê事，包括点灯、烧香等等。

第22到28节，移动ê秩序，是照守卫tī圣幕四周ê移动秩序mā是照东、南、西、北等守卫ê秩序á行。