Chit章主要提起以斯拉án怎kā上帝ê约册宣读hō͘ 回乡重建家园kah耶路撒冷ê民众听，大家lóng感动流目屎。然后民众ê代表，就是各宗族ê领袖kah祭司、利未人等，聚集到以斯拉hia，表示愿意照律法册ê记载过Tòa棚节。Tī节期中in每工听以斯拉宣读律法册所记载ê。

一般来讲，这mā是用斯拉tī主前458年回乡了后ê十三年，mā就是主前445年第一pái公开宣读摩西律法册。

Chit段经文是记载以斯拉tī犹太人过年ê正月，公开宣读摩西律法册，而且连ē-tàng听bat ê儿童mā静心地听。表示chit项宣读律法册，差不多是回乡后，以色列人民ê一件全民运动。

第1到3节，chia ê「第七月」、「hit月ê第一日」，是teh指犹太历ê正月初一，mā就是现代ê十月初八。照利未记第廿三章23到25节ê记载，chit工kā它称做「吹角节」所有ê人lóng tio̍h放落工作，敬拜上帝（有关过新年ê活动，thang参考民数记第廿九章1到6节）。以斯拉就利用chit-ê时间，向聚集tī耶路撒冷广场ê民众宣读摩西律法册所记载ê hō͘民众听。听众包括所有男女老幼。地点就tī耶路撒冷「水门前ê广场上」，就án-ne整整宣读了一个上午。而且in lóng是khiā-teh听，而且tùi黎明khiā-teh听tio̍h中昼，这却m̄是一件简单ê事，时间至少长到六个小时以上。

这mā是用斯拉tńg去耶路撒冷后，第一pái公开宣读摩西律法。伊mā是重新整理摩西律法ê一位经学教师，mā因为伊，chiah ē-tàng kā旧约圣经完整保存。因为tī主前586年圣殿被巴比伦军队拆毁后，所有ê经册ē-sái讲是被火烧殆尽。以斯拉就是重新整理摩西律法经册ê一位经学教师，m̄-nā án-ne，伊iáu教导人民怎样学习。

第4节，chit节列出了一份十三个人ê名单，chiah-ê人应该lóng是祭司。

第5到8节，tio̍h注意chia有人「翻译」以斯拉宣读ê律法册hō͘人民听，hō͘ in lóng听bat，这是非常重要ê事。所谓「翻译」chit-ê词，mā thang解释为「说明内容」。因为律法册是用希伯来文写ê，而大多数ê犹太人已经tī巴比伦khiā起长到五十年以上，可能有人一出世，就已经接受巴比伦ê文化、思想，如果tùi第2节看，就thang明白in中间有kóa lóng是tī巴比伦出世ê少年一代，即使听bat母语，mā可能无法度明白律法册ê意义。Koh加上in可能有一kóa外族人跟tòe in来到耶路撒冷，想beh明白律法册ê意义就koh khah困难à。因为án-ne，kā它解释á是翻译lóng是一定tio̍h ê。Á chiah-ê翻译和解讲ê工作就是由第7节所列出ê chit份十三位利未人。

第9到12节，民众听律法册所记载ê内容后，lóng哭了起来。M̄-koh以斯拉、尼希米，以及这十三位解释、翻译hō͘民众知影律法册内容ê利未人安慰in，ài in kā悲泣转换做喜乐，因为这是用上帝为主ê日子，应该tio̍h欢喜。Koh khah重要ê，ài in知影分享食物hō͘欠缺ê人。Á民众mā听从in ê建议，chiâⁿ实án-ne做。