尼希米记 4章11节 到 4章23节   背景资料  上一笔  下一笔
Chit段经文记载尼希米怎样防卫chit项修建工程ê进行。伊已经得tio̍h敌人beh来破坏工程进行ê计谋。M̄-koh伊m̄是停止工作向上帝啼哭,却是带领人民the̍h起武器准备对抗。

第11到13节,尼希米得tio̍h ê情报是来自渗透tī chiah-ê敌人阵营中ê人,á是tī敌人阵营中,mā有反对in阻碍chit项工程进行ê人,in kā参巴拉等人想beh策划制造动乱ê计谋传hō͘尼希米知影,hō͘伊知影破坏ê计谋teh beh出现。尼希米m̄敢怠慢,伊叫民众武装起来,tio̍h配刀矛弓箭,然后组织宗族代表,守tī无修完ê城墙后面ê低洼处。

第14到15节,尼希米巡视每一个角落,kah担任守卫ê人,鼓励in m̄免惊敌人,in真正óa靠是上帝。伊mā kā chiah-ê守卫ê犹太人讲,hō͘ in知影in是teh固守家己ê家园、家庭。结果敌人才发见in准备ài攻击耶路撒冷ê计谋被曝光à。因为án-ne,in就收tńg来了chit项计谋。

第16到18节,为tio̍h防卫敌人突如来袭,尼希米ài犹太人民参与修建工程ê人,一半khiā-teh守卫,而且lóng一定tio̍h全副武装,准备随时lóng thang kah敌人作战。包括搬运建材材料ê工人mā是一手the̍h武器,一只手工作。紧急吹号ê号手是khiā tī尼希米身边,来方便随时听尼希米下令吹号作战。

第19到21节,因为修筑城墙ê范围甚广,大家彼此之间ê距离mā远,因为án-ne,尼希米提醒大家一听吹号ê声音,就beh赶紧放落手中ê工作,走到伊hia集合。每工lóng有一半ê人tī工作,另外一半ê人守卫备战。

第22到23节,尼希米家己mā仝款,连困ê时mā不换装,因为án-ne,所有ê部下lóng kah伊学习,表示随时lóng thang迎战来惹事ê敌人。另外一方面,伊mā kā所有ê主管kah in ê助手讲,暗时lóng一定tio̍h tòa tī城内,不准tńg去厝里。换句话讲,尼希米已经kā修建工程当做ná亲像军事作战仝款。因为敌人随时会来突击。

重新查询 专卷研经 尼希米记系列
错误回报,请联系comm[@]fhl.net