尼希米记 3章1节 到 3章32节   背景资料  上一笔  下一笔
Chit章非常重要,记录了四十位主要参与修复城墙ê领袖代表,in ê名,以及in所负责ê地段。这mā就顺利kā城墙地界做次明确ê鉴定。Koh讲,chit pái修复工程是透过分工合作ê方式,表现出坚定ê意志,所有以色列各界代表lóng尽帆拚投入,终其尾kā修复ê工作顺利完成。

第1到16节,chit段经文讲修复工程是tùi羊门开始,然后用逆ê时钟方式进行,绕了一kho͘-á tńg来到羊门结束(第32节)。号名「羊门」,真可能chia是专门买卖羊只ê所在。约翰福音第五章2节讲有一个池子靠近羊门ê所在,就是毕士大池。

Tī chit段经文一再重复ê一句话,就是「某某城ê人修造koh再下一段」,这表示每一个宗族参与修建工作,是亲密地续接落去,无停止,án-ne chiah有办法kā kui个耶路撒冷城墙ê修复工作,顺利完成。M̄-koh同时mā说明有上帝同在,大家lóng愿意尽心尽力。若m̄是上帝ê带领,想beh顺利完成修建ê工作必定是困难重重。

值得注意ê是第5节讲有kóa「领袖拒绝督工指定hō͘ in做ê工作」,所谓「领袖」,大概就是hiah-ê有钱ê贵族pah。In拒绝参与修复ê工作,mā teh暗示修复城墙ê工作并m̄是真顺利。M̄-koh相对tī chiah-ê拒绝ê领袖,就是第12节所记载ê沙龙,「伊ê cha-bó͘-众kiáⁿ mā帮了忙」,chit点真特别,已经teh表示哈罗乌ê家族是全部总动员,包括妇女mā参与修建城墙ê工作。原因可能是认知上ê问题,就是城墙确实是关系kui个城内居民ê安危,若是城墙不保,chiah-ê妇女必定陷入危险中,生存会受tio̍h威胁。

第17到21节,chit段经文是参与修建工程ê六个利未家族名单。

第22到26节,chit段经文提供了参与修建工程ê祭司名单,mā是仝款有六个家族。

第27节,chit节讲提哥亚城ê人修了两段城墙,tī第5节提起in续接撒督修起造下一段,tī chia讲in koh修起造靠近俄斐勒城,mā就是「圣殿工人tòa ê所在」ê下一段。真可能就是in tī前一段进行得m̄是真顺利,因为受tio̍h城内领袖ê阻挡,因为án-ne,有可能chia是用来补足前段修建工程受tio̍h阻碍ê方式之一种。

第28到32节,chit段经文记载有真chē人lóng kā家己厝ê门前hit段城墙修建ê工作承揽落来,因为án-ne,连银匠、商人lóng参与有份。

其实,kui章经文想beh表达一个基本观念:修建耶路撒冷城ê工作,被全体以色列人民看做是kui个民族生存siōng重要ê大事。因为án-ne,人人lóng想出所有ê办法参与修建ê工作,虽然无亲像有kóa宗族是kui个族人lóng参与某段城墙ê修建工作,m̄-koh至少tī各家己厝门口ê hit段,一个家庭就ē-tàng来做。这kah所罗门时代,徵召奴工十gōa万人建造,意义完全无仝款。

重新查询 专卷研经 尼希米记系列
错误回报,请联系comm[@]fhl.net