尼希米记 9章38节 到 10章39节   背景资料  上一笔  下一笔
Chit段经文讲tio̍h以色列人民tī利未人带领下,透过敬拜上帝ê方式,念出长长ê忏悔文后,续落来就是由以色列人民主动而且慎重签名,表示beh kah上帝重新立约。

第十章lóng是用「复数」代名词ê句型表示,说明这是全体以色列人民共同ê心愿。Chit章真可能是出tī编辑者ê作品。Chit章主要thang分做两段,第一段列出一份签署名单(第1到27节),第二段则约ê内容(第28到39节)。

第九章38节,ē-sái讲是第十章ê序论,说明teh敬拜了后,全体参加Tòa棚节ê以色列人民,包括各宗族领袖、利未人,kah众祭司,大家lóng慎重签名,表示愿意遵从上帝ê旨意,无koh违背。

Chia特别强调所有chiah-ê名单lóng是用签名ê,所谓「签名」,指ê是盖章。

第十章1到27节,总共列出21个祭司、17个利未人,44个人民领袖ê名单。值得注意ê是chiah-ê人民领袖是用家族中khah知名ê祖先来记录,而且chit份名单kah以斯拉记第二章3到30节所记载ê名单类似。

Koh讲,chit份祭司ê名单中,有真chē koh一pái出现tī第十二章1到7节中。Á利未人ê名单大部分mā出现tī第八章7节、第九章4到5节等等。Tio̍h注意ê是祭司人数比利未人chē,chit点tùi第七章ê 回乡人数就看会出来。

Tùi第14到27节中,thang tùi第七章6到63节,以及以斯拉记第二章1到61节中看tio̍h重复ê名。

第28到29节,chia记载一般人民mā tòe chiah-ê众领袖chiù-chōa,表示in已经kah外族人隔离出来,in表示愿意跟tòe chiah-ê宗教kah人民领袖仝款ê态度,愿意遵守摩西律法ê规定过生活。无论是chiù-chōa á是签名盖章,内容lóng仝款teh表明绝对会遵守摩西律法kah规例。这mā就是用斯拉siōng重要ê贡献,伊tī巴比伦精心收集编撰完成ê摩西律法条例,koh一pái成做犹太人民回乡后siōng重要ê经典。

第30到39节,chit段经文是in誓约ê简单内容,包括下列几项:

一是m̄ kah外族人通婚(第30节)。

二是坚持遵守安息日做圣日,无工作之外,mā无买卖(第31节a)。

三是一定会遵守每七年休耕一年ê安息年规律,并且豁免债务(第31节b)。

四是会负担圣殿所需要ê费用(第32到33节)。这thang参考出埃及记第三十章11到16节,规定凡hit年满二十岁以上ê男子lóng tio̍h负担,而且无论贫富贵贱lóng仝款金额。

五是各宗族轮流负责供给圣殿献祭用ê柴火(第34节),这mā teh表示in绝对无koh会疏忽敬拜上帝ê事。

六是beh献上初熟ê收成,包括土地生产ê五谷、cheng-seⁿ献hō͘上帝(第35节)。

七是beh照律法规定献上大kiáⁿ kah头胎ê动物hō͘上帝,用chit种方式表达感恩(第36节)。

八是beh奉献收成ê十分之一(第37节)。

九是祭司kah利未人会共同监督这十分之一ê奉献,并确实kā奉献用tī圣殿ê所需要ê(第38到39节)。用chit种方式koh一pái表明绝对不疏忽「上帝ê圣殿」,表示in会忠实tī上帝。因为圣殿是代表敬拜上帝ê所在,bē疏忽,就是teh表示in会谨记在心。

可惜ê是,人lóng是tī得意ê时chūn就bē记得上帝。第十三章讲tio̍h当尼希米tńg去波斯向亚达薛西皇帝述职后koh再tńg去耶路撒冷ê时,伊看tio̍h人民故态复萌,koh tī安息日做买卖、工作。

重新查询 专卷研经 尼希米记系列
错误回报,请联系comm[@]fhl.net