犹太人认为是有罪ê人chiah需要受洗，á是外邦人有beh加入犹太人ê宗教信仰，就必须受洗，表示洁净。四本福音书lóng有记载耶稣受行洗礼约翰ê洗礼（参考马可福音一：9—11，路加福音三：21—22，约翰福音一：32—34），m̄-koh，其中约翰福音并无清楚记载耶稣tī水里受洗ê情形。Á马太福音真清楚强调行洗礼约翰知影耶稣ê身分，所以感觉耶稣kā家己ê身分降低来接受伊ê施洗，并无妥当。M̄-koh耶稣认为应该照规矩来，á他受洗是为tio̍h beh表示他kah所有罪人做伙，表明他beh带领大家同齐悔改、归向上帝。Á耶稣受洗之后，所出现ê圣灵降临之景象，tú好teh说明他kah上帝之间有密切bē-tàng分割ê关系。