马太福音tī编辑上有真特别ê手路，亲像第五到七章，作者用连续三章ê篇幅kā耶稣ê言论汇集做伙；tī第十三章则用七个比喻讲述天国；tī第廿三章是连续指责经学教师kah法利赛人ê七个问题；第廿四章作者用七个景况teh描述有关末日ê灾难；第廿五章是用三个故事说明天国ê景况。

「耶稣tùi圣殿出来」，chit句话thang续接第廿一章23节ê「耶稣进入圣殿」，这中间lóng是马太福音所收集ê耶稣教导之言论。

「圣殿ê建筑」，这是大希律王tī主前20年开始扩建，经过46年ê时间chiah完成（参考约翰福音二：20）。完成后ê圣殿范围比本来ê大三倍，而且装潢kah koh khahsúi。M̄-koh耶稣讲它ê「每一块石头lóng tio̍h被拆落来，无一块石头会留tī另外一块顶面」，chit件事tī主后70年应验，tú亲像第廿三章38节所讲ê，「殿宇会成做抛荒无人tòa ê所在」。