Chit段用七个饼hō͘超过四千人（参考马太福音十五：38）食饱ê神迹，mā同时记载tī马太福音第十五章。根据马可福音tī第八章19到20节ê经文来看，这是另外一则神迹，并m̄是五饼二鱼ê另外传承。

Chia所用ê「七个篮子」ê「篮」字，是用「spuris」，是罗马人teh使用ê生活工具，大到ē-tàng kā人装落去（参考使徒行传九：25）。Á马可福音第六章43节所用「篮子」，这是用「kophinos」，就是犹太人平常出门使用ê小袋子。无论是tùi「四千」á是tùi「七个篮子」，tī数字上ê象徵意义，khah赢过实际数目。因为「四」，表示四极、四方、全世界ê意思。Á「七」表示完全、完美，表明有上帝赐福ê意思。