马可福音共计三pái记载耶稣预言家己ê受难、死、koh活。Chia是第一pái，另外两pái分别tī第九章31节、第十章33到34节。Tī编辑上，作者显现出非常特别ê技巧，lóng tī预言受难了后，续落来ê记事是门徒teh争大细，chit种编辑手路必定有作者ê用意。而且三pái ê预言中，共同点lóng是「死后第三工，他会koh活」。

第32节，作者讲耶稣kā chit件受难ê事「讲得清清楚楚」，m̄-koh却发生彼得出手beh阻止耶稣往耶路撒冷去受难。伊「Kā耶稣拉到一边」，而且以非常认真ê态度beh「苦劝阻止」耶稣。

第33节，耶稣责备彼得chit种举动是「撒旦」，koh用真严厉ài伊「行开」，并且讲彼得「所想ê m̄是上帝ê想法，却是人ê想法」，chit句thang参考以赛亚书第五十五章8到9节，mā thang kā此句对照耶稣tī客西马尼园ê祈祷，耶稣祈求上帝mài hō͘他伊lim苦杯，m̄-koh他愿意顺服上帝ê旨意（参考马可福音十四：36）。

第34节到第九章1节，chit段经文讲出性命ê选择：beh跟tòe耶稣，就一定tio̍h有献出性命ê准备。而且chit种献身是一种极大ê苦难—弃sak家己，giâ起伊ê十字架来跟tòe耶稣，十字架就是苦难ê记号。M̄-koh ná亲像耶稣对彼得所讲ê，上帝ê奖赏是hō͘人永恒ê性命，人teh想ê，lóng是目chiu前利益。因为án-ne，耶稣就是人丧失性命á是得tio̍h性命之间重要ê分界线。
第九章1节，「郑重」一词，mā thang表示「实实在在」ê意思。Á「上帝ê主权」是teh指上帝ê审判。

值得注意ê是，第九章1节成做接落去第九章2节耶稣kah门徒到山顶去变形像ê连结句，表明旧约圣经所讲ê一切，lóng会tī耶稣身上发生。因为án-ne，如果门徒认bat耶稣，in就是世间siōng有福气ê人。因为tī in尚且活teh ê日子里，会看见上帝tī耶稣身上显现koh活ê大能。