马可福音 8章27节 到 8章30节   背景资料  上一笔  下一笔
Tùi第八章27节开始,是马可福音书一个真重要ê分段点。

Tùi第一章14节开始到第八章26节,chit段经文lóng是记载耶稣tī加利利工作ê情形;然后,tùi第八章27节开始到第十章52节,记载耶稣kah跟随者行向耶路撒冷ê途中所发生ê事迹。因为án-ne,tùi第八章27节开始到第十章52节止,是一个新ê阶段,记载耶稣带门徒以及跟随者行tī迈向耶路撒冷ê旅途发生之记事。

Chit段经文mā ē-sái讲是加利利事工ê总结,耶稣想beh知影门徒对伊ê认bat有jōa-chē。

地点是tī「该撒利亚・腓立比ê附近庄头」。Chit-ê城是腓力王为tio̍h beh表示对罗马皇帝ê尊崇所盖ê。

耶稣向门徒提出一个真重要ê问题:「一般人讲我是甚么人?」tùi这问题thang看出当时加利利地区ê各庄头,民间流传tio̍h真chē关系耶稣ê事。Á chit种看法tī第六章14到15节已经提过一pái。

其实耶稣真tú beh问伊门徒ê是:「lín ?Lín讲我是甚么人?」chit-ê问题mā等于是teh kā门徒讲:「别人怎样讲lóng无重要,lín跟tòe我hiah-ni̍h久ê时间,lín对我ê了解又koh是án怎?讲看māi,我是甚么人?」

彼得ê回答可能是伊个人ê意见,m̄-koh mā可能是代表所有门徒回答。伊讲:「你是基督。」

第30节,耶稣ài他ê门徒mài kā他真正ê身分泄露出去,因为这可能会引起犹太宗教领袖当局出面干涉,á影响tio̍h伊传上帝国信息ê工作。Koh讲,门徒对耶稣是「基督」chit种认bat,并m̄是确实清楚。若无,门徒就bē tī途中对tī甚么人khah大甚么人khah小ê事发生争执,mā bē有犹大出卖耶稣ê行为。




重新查询 专卷研经 马可福音系列
错误回报,请联系comm[@]fhl.net