Chit-ê譬喻tùi用「留心听ah」开始，到结束ê时用「有耳áê，lóng tio̍h听」，表明上帝国ê信息是需要专心注意听。因为上帝国ê信息就是beh听入去chiah有用，无听入去ê人，ná亲像无掖tī好ê土地上ê种籽仝款，一下á就无à。有注意teh听ê人，自然会有好结果，而且成果会相当丰硕。

耶稣用巴勒斯坦人种作ê方式，来说明掖落去ê种籽有四种无仝ê情形：一是掖tī路边，二是掖tī浅土ê石头á地上，三是掖tī刺phè中。Chit三种地方ê种籽lóng bē长大成熟来结出任何果子。只有第四种，掖tī「好ê土里」，án-ne chiah ē-tàng有好ê收成。所谓「三十倍」、「六十倍」、「一百倍」等，chit三种收成ê倍数lóng teh说明美好ê意思，á一百倍就是满足到极点。