耶稣ê名声已经因为伊传讲ê上帝国信息，kah伊特有ê医病、赶鬼能力，tī加利利地区传开来，因为án-ne，只要伊到ê所在，就会有群众围过来。

Chia讲众人因听见耶稣所做ê一切事，就分别tùi「加利利、犹太、耶路撒冷、以土买、约旦河对岸地区，以及泰尔kah西顿附近ê城市」等地来chhōe耶稣。
第11到12节，污灵siōng欢喜做ê事，就是暴露耶稣ê身分，因为án-ne就ē-tàng阻碍耶稣继续传扬上帝国福音ê信息。M̄-koh耶稣则「严厉地嘱咐in bē-tàng讲出伊是甚么人」。Chia ê「嘱咐」有含「责备」ê意思。