马可福音 2章1节 到 2章12节   背景资料  上一笔  下一笔
Tùi第二章1节到三章6节,作者连续提出五个事件,说明耶稣kah犹太人领袖之间发生冲突ê问题;(1)第二章1到12节、第三章1到6节,这两段经文lóng是有关医ê问题。(2)第二章13到17节,是耶稣呼召抽税ê人利未来做门徒。(3)第三章18到 22节,这是有关禁食ê问题。(4)第二章23到27节,是有关违反安息日ê问题。特别是tī第四kah第五chit两个事件lóng牵涉tio̍h安息日ê规定,引起ê反弹siōng大,因为án-ne tī第三章6节讲法利赛人kah希律党人决定联手对付耶稣甚至想beh kā他杀害。

马可福音作者tī编辑上真特别ê手路,就是「三明治」编辑法,chit-má所读chit段经文就是一个例,tī第1到5节提起耶稣医一位半遂ê病人,然后第6到11节,提起经学教师对耶稣医ê方法真有意见,续落来是第12节chit-ê病人回应耶稣ê话。Kā chit两段经文并做伙来看,有一个主题中心,是teh讨论有关耶稣ê权柄。Chit-ê问题thang kah第十一章27到33节对照,祭司长、经学教师,kah长老来质问耶稣ê权柄,就会发见耶稣无论tī医能力á是tī教导上,lóng引起当时ê宗教领袖感受危机,因为群众lóng khiā tī耶稣chit-ê边,而且认为耶稣ê教导kah经学教师无仝,是比较有权威ê(参考马可福音一:22)。

第1到5节,提起拆厝顶,这是因为当时ê房屋结构,厝顶是用橄榄树枝、芦苇草茎交叉编织ê,beh拆开并无困难。作者tī chia特别提起是「四个人抬tio̍h半遂病人」tùi厝顶上连同病人倒ê铺á缒落到耶稣面前。第5节真重要,讲耶稣是看tio̍h hiah-ê帮助半遂ê人ê信心,tùi án-ne医好chit位病患,而且所用ê方法是用命令ê语气对病人讲:「你ê罪蒙赦免à。」这thang看出坚定ê信心ē-tàng帮助别人得tio̍h耶稣ê恩典。Koh讲,早期ê人认为破病kah犯罪有密切关系,因为án-ne,赦罪kah医是仝款ê效力。

第6到7节,犹太人经学教师是相当有地位ê,in mā是宗教领袖,主要负责教导民众认bat摩西律法为主要工作。In认为耶稣对这病人所讲ê「你ê罪得tio̍h赦免à」chit句话,已经牵涉tio̍h僭jú上帝ê主权,牵涉tio̍h「亵渎上帝」ê神圣。若是chit种罪名成立,耶稣会hông判处「亵渎上帝」,tio̍h判hō͘人用石头phah死ê死刑(参考利未记廿四:16)。

第8到11节,「耶稣马上看穿in teh转些甚么念头」,chit句话已经teh暗示耶稣kah一般人无仝,伊有特殊ê能力,ē-tàng知影人内心ê意念,á这只有上帝chiah有ê(参考撒母耳记上十六:7,耶利米书十七:10)。同时,耶稣mā证明家己有权柄赦免人,就是beh chit-ê病人the̍h起伊ê铺á tńg去厝里。伊用ê仝款是命令句型。表示耶稣ê命令一出,事就成了,这kah创世记第一章所描述上帝ê创造过程仝款。

第12节讲众人lóng「非常惊奇」耶稣有chit种能力,kah tī第一章22节作者mā讲众人「惊奇」耶稣ê教导仝款。马可福音作者常用「惊奇」ê字眼,表示当时ê人对耶稣言行举止ê反应,显示出众人对耶稣认bat ê不足,尤其是他ê门徒koh khah是án-ne。

重新查询 专卷研经 马可福音系列
错误回报,请联系comm[@]fhl.net