马可福音 15章33节 到 15章41节   背景资料  上一笔  下一笔
Tī第25节讲上午9点ê时chūn钉耶稣tī十字架顶,chit-má是正午ê时刻,却忽然发生变天ê现象。第33节用「乌暗罩tiâu大地」来形容天象改变ê现象。然后继续三个小时,到下晡3点钟。

第34到37节,马太福音kah马可福音lóng记载耶稣tī十字架顶只有讲了chit句话。耶稣引用诗篇第廿二篇1节a句ê诗歌,说明伊带tio̍h人类ê重罪,第一个感受tio̍h ê是kah上帝隔离好远好远。因为tī chia所用ê「上帝」是「以罗伊」,这是以色列人民teh称呼上帝时用ê,tī亚兰语ê发音真亲像「以利亚」。因为án-ne,有人认为耶稣teh呼叫先知「以利亚」来救他。就tī chit时chūn,耶稣大喊一声了后,就「断气」。

第38到39节,chit两节讲tio̍h另外一个奇异ê现象出现,就是圣殿到圣所ê帐帷忽然「tùi上到下裂做两半」,这帐帷原本是隔离tio̍h圣所kah祭司院。照希伯来书第十章19到20节ê记载,耶稣ê死,为咱开辟一条通过帐帷ê新路,是得tio̍h性命ê活路。Chit位罗马军官本来是执行钉死耶稣十字架之刑ê,chit-má看tio̍h十字架顶ê耶稣,就讲伊「真是上帝ê Kiáⁿ」,这mā是马可福音第一章1节所见证ê。

第40到41节,chia列出一份妇女ê名单,in lóng是耶稣kah门徒传福音siōng有力ê支持者。Tùi加利利一直kah跟tòe耶稣来到耶路撒冷,并且亲目目赌耶稣被钉死十字架顶。

重新查询 专卷研经 马可福音系列
错误回报,请联系comm[@]fhl.net