玛拉基书 2章10节 到 2章17节   背景资料  上一笔  下一笔
先知玛拉基用「夫妻」ê关系来形容上帝kah以色列人民之间ê关系,chit种关系就是建构tī「约」chit-ê基础上。先知以赛亚、耶利米、以西结、何西阿等lóng有用夫妻ê关系,描述上帝kah以色列人民之间约ê重要性(参考以赛亚书五十四:5、六十二:4—5,耶利米书三:1,耶利米书三:20、三十一:32,以西结书十六:8,何西阿书二:19—20)。诗篇ê诗人甚至讲出先知以西结信息中所提起ê,若m̄是上帝收留以色列人民,in早就被父母遗弃来死了(参考诗篇廿七:10)。

第10到11节,chia先知玛拉基连续提出四个问题,chit四个问题ê主要内容lóng是kah「约」有密切关系。Tùi圣经thang看tio̍h上帝kah他ê子民之间ê关系,除了「夫妻」之外,mā有另外一种关系,就是「父子」关系(参考以赛亚书六十三:16)。

先知玛拉基提出四个疑问句,其一是:「咱kám m̄是有仝一个老父?」其二是:「Kám m̄是仝一位上帝造咱?」真清楚,这两句话已经说明tī以色列人民之间有分裂,而且分裂ê问题显然不轻。这两句话lóng teh强调一个基本观念:只要是用色列人民,就是仝一个「老父」,只要是用色列人民,lóng是仝一个位上帝所创造ê。换句话讲,大家lóng是属tī创造ê上帝,他就是用色列人民ê老父。其三是:「为甚么咱彼此之间无守信用?」其四是:「为甚么咱藐视上帝kah咱祖先所立ê约?」先知玛拉基提出两件事实来证明伊所讲ê,一是「玷污上主所疼ê圣殿」。二是「娶拜异族神明ê cha-bó͘人」。其实,chit两件事thang当做是一件,因为「玷污」,是teh指以色列人民kā hiah-ê m̄-bat上帝ê cha-bó͘-gín-á娶过门来做bó͘,然后koh跟tòe in用敬拜偶像神明ê方式去敬拜上帝,这就是先知玛拉基所指出ê「玷污」了上帝所疼ê圣殿ê意思。

第12节,可能就是chit节经文影响tio̍h以斯拉kah尼希米ê决定。先知玛拉基tī祈祷中,祈求上帝kā chiah-ê因为kah外邦cha-bó͘-gín-á结婚,致使弃sak上帝旨意ê人「tùi以色列中删除做chit款tāi-chì ê人,hō͘ in永远bē-tàng参与向上主—万军ê统帅献祭」。Chit种讲法ná亲像摩西律法中提起上帝ê警告ê时,一再强调违背律法规定者,beh tùi以色列名单中「除名」仝款(参考出埃及记十二:15、19、三十:33、38,利未记十七:3、6,民数记九:13)。

第13节,先知玛拉基tī chia提起有人tī上帝ê祭坛边「悲哀、啼哭」得非常悲惨。会tī祭坛边悲哀、啼哭ê只有祭司,因为ná亲像第一章9节所讲ê,in已经知影上帝无koh垂听in ê祈祷。Án-ne,in ê献祭上帝mā bē接纳。二是hiah-ê被丈夫遗弃ê妇女,当hiah-ê遗弃bó͘ ê众丈夫带献祭ê物件到祭坛顶来ê时,虽然是献祭了,m̄-koh in bó͘啼哭ê声音,已经赢过in献祭ê时ê歌颂声音。先知玛拉基讲in chit种献祭bē得tio̍h上帝ê赐福。因为上帝kan-taⁿ会垂听被迫害者ê哭声,m̄-koh bē接纳迫害别人者ê o-ló歌声。

第14节,先知玛拉基指出上帝拒绝接受chiah-ê献祭ê因,就是in「弃sak少年ê时所娶ê bó͘」。先知玛拉基特别强调chiah-ê婚姻lóng是「tī上帝面前誓约」过ê,bē-tàng随便弃sak、毁约。因为弃sak、毁约等于是teh否定上帝ê神圣仝款,mā等于teh侮辱、藐视上帝颁布ê诫命、律法。其实,chia mā是teh隐喻以色列人民已经弃sak了in祖先kah上帝之间ê婚约关系。

第15节,chit节thang参考创世记第二章24节,夫妻是一体ê,bē-tàng分开。先知玛拉基讲婚姻ê关系一定会「谨慎,bē-tàng弃sak家己ê bó͘」。
第16节,先知玛拉基tī chit节用koh khah严肃ê口语警告所有ê以色列人民,讲上帝「恨恶休妻」,「讨厌」有人做出「休妻」chit种「残忍ê事」。

古代以色列人民,决定beh娶一个妇女做bó͘ ê时chūn,就the̍h出一件棉袍放tī chiah-ê cha-bó͘人ê身上,表示愿意照顾伊,á是娶伊ê意思。所以做一个cha-po͘人用伊ê棉袍khǹg tī另外一个cha-bó͘人ê身上,原来ê bó͘就已经受tio̍h残酷ê伤害à。Chit种伤害常常是tī棉袍ê遮盖之下hō͘人疏忽。Mā因为án-ne,以色列人民流行一句话:「棉袍下脚ê目屎。」意思就是丈夫kā原本beh包tiâu bó͘ ê棉袍,the̍h去盖tī另外一个cha-bó͘人ê身上,这就是先知玛拉基tī chia传出上帝ê话所讲ê,有人对bó͘做出残忍ê事,hō͘受伤bó͘ ê目屎被棉袍盖tòa看bē-tio̍h。M̄-koh m̄-thang bē记得,上帝会看见人tī暗中所做ê一切事(参考马太福音六:4、6、18)。

第17节,先知玛拉基讲以色列人民ê「谈话hō͘上主厌烦」,原因可能kah第一章13节所提起ê,就是in对献祭ê繁文缛节感觉不耐,mā因为án-ne,就潦潦草草地随便办理一下献祭ê礼仪,á是一面参与敬拜ê行列,一面koh杂念地讲献祭是真麻烦ê事。所以先知玛拉基就清楚指出,上帝对chit种子民mā仝款会感觉厌烦。Koh讲,in故意扭曲上帝ê公义,soah koh讲「公平ê上帝tī tó位neh」chit种话,是带有讽刺、自高ê语气。

重新查询 专卷研经 玛拉基书系列
错误回报,请联系comm[@]fhl.net