Tī拣选门徒chit件事顶面，路加真特别地讲耶稣是「到山顶祈祷」，而且「tī hia整夜祈祷上帝」，然后chiah tùi真chē跟随者中拣选出12位门徒来。祈祷，一直是耶稣传道事工中真重要ê功课。这mā是今á日基督徒siōng需要学习ê信仰功课，特别是传道者koh khah需要chit种操练。

Chit份名单当然是tī后来早期教会定稿ê顺位。十二，这mā反映出有意kah旧约以色列ê十二支派对称，表明新约ê十二门徒，ná亲像「新时代」ê「新以色列」仝款。彼得lóng是排行第一，出卖耶稣ê加略人犹大lóng是排tī最后，而且iáu koh khah加上「出卖耶稣ê」chit种话句。