利未记 27章1节 到 27章13节   背景资料  上一笔  下一笔
Chit章thang讲是附加上去ê,thang kā它看做是附录,m̄-koh mā thang看做是第六到七章ê一部分。Tī chit章中thang看tio̍h二个主要ê内容:一是关系还愿ê条例(第1到29节),二是关系「十分之一」奉献ê规定(第30到34节)。

Chit段经文真清楚说明下愿了后一定tio̍h还愿,还愿ê方式tio̍h献上感恩ê祭,若是下愿ê对象m̄是事物却是人,chit时chūn就需要审慎处理。因为若是下愿ê对象是人,这就需要另外一种方式来还愿,表示kā chit-ê人用「仝款ê代价」赎回。亲像tī士师记第十一章记载,耶弗伊hō͘ 上帝拣选出来当士师,伊向上帝下愿讲:「祢若kā 亚扪人交tī 我ê 手中,hō͘ 我 tùi 亚扪人 hia 平安 tńg 来 ê 时,见若tùi 我ê 厝ê 门出来迎接我ê,beh 归tī 上主,我beh 献伊做烧祭。」(全民版)」(士师记十一:30—31)结果上帝成(chiâⁿ)实hō͘耶弗伊带领以色列人民phah赢了亚扪人。

M̄-koh当耶弗伊tńg到厝里ê时,第一个出来迎接伊ê,却是伊ê cha-bó͘-kiáⁿ,这致使耶弗伊悲伤beh绝(参考士师记十一:34—35),m̄-koh伊cha-bó͘-kiáⁿ坚持beh照所chiù ê chōa遵行。因为án-ne,有一种讲法,认为chit段经文ê规定,真可能就是「耶弗伊ê条款」,表示下愿ê对象是人,就ē-tàng用一种计价ê方式代替。

第3到7节,chia一开始就用「圣所」一词,表示chit章所订出ê条例,是比较晚期ê,这mā符合了头前所讲ê,chit章是后来加添上去ê。

Chia分做几个无仝层级算出对人赎回ê价码,m̄-nā有男性,mā有女性。Chia ê银á是用重量计算ê。这有几个原因,一是hō͘民众知影,bē-tàng随便下愿。乱下愿,到时,就beh ná亲像缴「罚款」仝款,代价koh khah高。二是有kóa学者认为是因为圣殿ê经费短绌,这mā当做另外一种补足ê方式。M̄-koh chit种讲法不时受tio̍h质疑。不过,基本上thang接受chit种方式hō͘人约束家己不随便向上帝下愿。

第8节,这是针对sàn-chhiah ê人,因为无法度还愿ê时,就需要chhōa in去见祭司,祭司tio̍h评估伊ê家庭经济状况做出还愿ê方式。

第9到13节,chit段是关系物件方面ê条例。下愿讲甚么牲畜,就是甚么牲畜,无法度替换、取代。M̄-koh若是下愿ê动物是无清气ê,就bē-tàng当做牲祭献hō͘上帝,chit时chūn,就一定tio̍h kā动物带去hō͘祭司检验核价,然后用估定ê原价koh加上审核出来价钱ê五分之一为总价。

重新查询 专卷研经 利未记系列
错误回报,请联系comm[@]fhl.net