利未记 26章1节 到 26章13节   背景资料  上一笔  下一笔
利未记tùi第十七章到廿六章,是属tī所讲ê「圣洁法典」。第廿六章mā ē-sái讲是chit部「圣洁法典」ê结论。Tī chit章结论中有共同ê主题中心,就是关系「约」ê事(参考第9、12、15、42、44、45节等等),而且以两个面呈现出守约kah背约之间所带来ê cheng差做主题诠释,其一是论到以色列人民如果遵守kah上帝ê约,则上帝必定会赐福in。其二tú好颠倒,就是以色列人民如果背弃kah上帝ê约,则in kā失去上帝ê眷顾,遇tio̍h ê惩罚mā会koh khah严重。Mā就是tī赐福kah诅咒之间有鲜明ê对照。

Chit段经文是听从上帝ê命令kah旨意做tāi-chì。

第1到2节,chit两节ē-sái讲是siōng基本ê信仰要件。第1节tùi文字上看起来kah-ná是讲bē-tàng雕刻偶像,其实乃是讲无任何其他神明thang成做敬拜ê对象。Mā就是讲,除了上帝以外,bē-tàng有别ê上帝。Á第2节则讲真正尊奉上帝为独一上帝ê人,一定会遵守安息日,因为守安息日是表示人ê心中对赏赐性命ê上帝尊敬。Chit种人,会得tio̍h上帝ê赐福,包括充满tio̍h性命力,m̄-nā土地是án-ne,人mā是án-ne。

先知以西结讲遵守安息日,就是teh遵守kah上帝之间立约ê记号(参考以西结书二十:12、20)。

第3到5节,遵守上帝ê律法诫命,就会蒙上帝ê赐福。这赐福,表示无iau饿ê威胁,土地会生产够额ê粮食。因为án-ne,遵守上帝ê命令,性命就会充满力量,永远bē缺乏。

第6到10节,chia koh一pái强调忠实tī上帝命令ê子民,lóng bē有性命ê威胁,因为上帝就是siōng好ê保护者,而且ē-sái遵守上帝命令ê人,充满tio̍h性命力,thang生湠chē-chē,遍满大地。

第11到13节,chia koh一pái强调立约ê重要性,上帝一定会遵守他kah以色列人民之间所立ê约。他beh成做in ê上帝,á以色列人是上帝ê子民,上帝绝对bē离开他ê子民,m̄-koh以色列人一定会遵守上帝kah教导。

重新查询 专卷研经 利未记系列
错误回报,请联系comm[@]fhl.net