利未记 19章23节 到 19章37节   背景资料  上一笔  下一笔
Chit段经文koh khah明确说明进入迦南地了后,应该显明身为以色列人民kah其他民族ê无仝,mā就是beh「分别为圣」,án-ne chiah ē-tàng显明上帝选民ê意义。

第23到25节,这是牵涉tio̍h租田地ê规律,因为tú栽种ê果子树lóng需要经过三年chiah会结出果子。因为án-ne,无收成ê前三年,就无应该收租金,第四年算是初熟果子,应该tio̍h献hō͘上帝,第五年chiah是属tī家己所得。Chit种租赁方式,比现今ê社会koh khah进步。

第26到28节,注意第26到31节lóng是kah迦南人ê民间宗教信仰行为有关,mā tī被严禁之列,包括念咒、占卜、招魂、问巫师、当神庙娼妓、纹身避邪等等,主要原因是:性命ê主宰是上帝,m̄是某一kóa宗教师。用chiah-ê方式来询问性命意义ê人,乃是对圣洁上帝ê污辱,一概被禁止。

Tùi第26到28节chit三节thang清楚看出迦南地人ê风俗,包括食带有血ê肉,mā看tio̍h当地宗教风俗有占卜、念咒等宗教礼仪。剃掉头毛kah修胡须,chiah-ê lóng是kah当地ê宗教行为有关,因为án-ne,分别为圣,就是kah当地宗教行为无仝款。Á tī身上刺花纹、割伤家己ê身躯,lóng kah违背上帝用他ê形像造人有关。

第29节,这是迦南地宗教行为,mā是淫乱ê行为。当地人认为ē-tàng tī神庙里男女性交,会hō͘田地物产koh khah丰富。M̄-koh真正hō͘物产丰富ê,是tùi上帝来赏赐ê雨水、日光kah凉风,m̄是通过性交来得tio̍h。

第30节,这是十诫ê第四诫(参考出埃及记二十:8—11)。

第31节,这是迦南地ê宗教行为。Tī台湾民间宗教里mā相当盛行。

第32节,尊敬年老者,这是普世ê社会生活法则。

第33到34节,摩西五经中一再提起以色列人民ài会记得家己过去bat tī埃及当过奴隶,用chit种方式来爱寄居tī in中间,特别是卖身为奴ê人,因家己有受苦ê经验,就知影无应该重复chit种苦难tī别人身上。因为án-ne,好款待外侨就成做重要ê生活功课。

第35到36节,「公平ê度、量、衡」,m̄-nā是用tī买卖行为上,koh khah需要用tī司法ê事务上,án-ne chiah ē-tàng建立一个公平ê社会生活秩序。

第37节,是chit章ê总结,tio̍h知影这是上帝所吩咐ê,一定会确实遵守。

重新查询 专卷研经 利未记系列
错误回报,请联系comm[@]fhl.net