利未记 19章11节 到 19章22节   背景资料  上一笔  下一笔
Chit段经文iáu-koh以十诫为主轴,ài以色列人民严格遵守chiah bē致使侮辱上帝ê圣名。

第11到12节,这是十诫ê第三诫、第八诫,kah第九诫。「讲白贼」、「发假誓」等,lóng牵涉tio̍h乱使用上帝ê名,以及做假见证等违背诫命ê行为(参考出埃及记二十:7、15、16)。

第13到14节,这是对同胞基本ê疼,á工人每工ê工资是伊全家生活ê需要。延迟发放,等于是陷该家庭tī困境。Mā tùi chit两节看tio̍h非常进步ê(现代化)思想,包括对工人ê照顾,in微薄ê收入一定tio̍h应付每工生活ê需要,因为án-ne,延迟付工资乃是不道德ê事。马太福音第二十章1到15节记载耶稣ê譬喻,讲日头一落山,葡萄园主人马上就发工资hō͘工人。

第15到16节,施行公义,hō͘ in公道ê审判,这是维系kui个社会安宁ê基础,mā teh表示人ê心中有上帝。因为上帝是公义ê,他一心ài伸张正义(参考以赛亚书四十二:21、四十五:19),mā要求所拣选ê子民beh维护公道、伸张正义(参考创世记十八:19,以赛亚书四十二:1、6)。

第17到18节,对亲人kah邻舍ê疼,就是坦白、诚实以对。隐瞒事实真相,kan-taⁿ会带来koh khah pháiⁿ ê结果。Tī社区生活中,律法ê基础就是用第18节作结构,bē-tàng有报复ê心,只有ē-tàng「疼家己ê厝边,亲像疼家己仝款」,这是siōng基本ê态度。Chia讲tio̍h「tio̍h疼家己ê厝边,亲像疼家己仝款」,chit句话koh khah贴切ê譬喻出现tī路加福音第十章30到37节,耶稣回应来询问得tio̍h永恒性命之途径ê律法教师所讲ê譬喻。

第19节,chit节thang参考创世记第一章所提起ê,上帝创造万物lóng各有其类,分门别类非常清楚。混乱了chiah-ê类别,kan-taⁿ会带来koh khah chē ê混乱而已。

第20到22节,保持对奴仆ê基本尊敬,这是非常重要ê态度,bē-tàng因为对方是奴仆,就ē-tàng随便性侵。

重新查询 专卷研经 利未记系列
错误回报,请联系comm[@]fhl.net