利未记 18章19节 到 18章30节   背景资料  上一笔  下一笔
Chit段经文是禁止不正当ê性行为。

第19到20节,因为cha-bó͘人ê经期hō͘人认为是无清气ê,若是kah无清气ê cha-bó͘人有性关系,mā等于hō͘家己mā污秽à。若是kah别人ê bó͘有性行为,等于是通奸,这是犯奸淫罪。

第21节,thang看tio̍h当时ê迦南人teh献祭hō͘ in ê神明ê时,会kā家己ê kiáⁿ刣死当做献祭ê物件献hō͘ in ê神摩洛。先知耶利米bat谴责以色列人民bat学习chit种方式(参考耶利米书三十二:35)。表示以色列人虽然清楚摩西律法严格禁止,人民iáu是会bē记得,á是学习异族ê宗教礼仪。

第22到23节,chit两节lóng清楚规定,bē-tàng有错误 ê性行为关系,特别是人kah野兽ê行为。

第24到25节,chit段经文讲出上帝会án-ne kā迦南人驱逐离开,hō͘以色列人民进入khiā起,主要理由就是乱伦严重,性关系混乱。Khiā起tī当地ê人若无正当ê性关系,就等于teh侮辱上帝赏赐土地ê圣洁。因为khiā起ê土地若是有秩序,就bē有乱伦ê事发生,chit种社会,chiah会健康。

第26到29节,以色列人民kah迦南地ê人无仝款,in是上帝分别为圣ê选民。若是无见证出上帝选民ê特别ê所在,上帝就bē hō͘ in拥有迦南地thang khiā起。若有人án-ne做,表示chit-ê人是藐视上帝ê命令,chit种人,一定tio̍h tùi以色列人民中间开除。

第30节,上帝ài以色列人民一定tio̍h严格遵守他ê命令,只有án-ne chiah ē-tàng永远生存在上帝赏赐hō͘ in khiā起ê土地上。

Tùi献祭ê礼仪来看:
Siōng早出埃及进入旷野ê时,是每行到一个所在停留落来,摩西就带领以色列人民起造祭坛敬拜上帝。chit-má利未记则看见以色列人民tī旷野ê移动,kah本来快步移动已经有大转变,in有时会tī一个有水泉之地停留一段时间。因为án-ne,开始有建造圣幕敬拜上帝,á所有献祭之家畜、动物lóng一定tio̍h tī圣幕门口ê所在宰杀,物件mā一定tio̍h带到圣幕门口去烧献hō͘上帝。直到申命记,则清楚指出献祭一定tio̍h指定敬拜上帝ê所在去办理。

重新查询 专卷研经 利未记系列
错误回报,请联系comm[@]fhl.net