士师记 8章29节 到 8章35节   背景资料  上一笔  下一笔
Chit段经文mā是为第九章作一个序言,teh绍介基甸厝里ê事。Thang看tio̍h以色列人民tī迦南地khiā起一段时间后,已经kah当地人普遍通婚,示剑原本是迦南地人,chit-má连基甸lóng是娶示剑cha-bó͘-gín-á为细姨。这连带ê是teh敬拜耶和华上帝ê时,会不知不觉引进了迦南地ê神明崇拜ê行为。这mā就是为甚么后来先知运动中,非常反对异教敬拜ê礼仪夹杂tī耶和华宗教信仰ê礼仪中ê原因。Mā thang tùi chia了解为甚么后来以色列人民tùi巴比伦tńg去故乡ê时,尼希米kah以斯拉坚决要求「种族净化」ê原因,就是为tio̍h beh确确实实建立以耶和华上帝为领导中心ê思想。

Koh讲chit段经文主要teh说明以色列人民tī基甸死后,koh弃sak了上帝去拜偶像,并bē记得á是怀念基甸bat带领in脱离米甸人、亚玛力人ê残酷对待。In各族ê人各自为政,hō͘不相劝勉敬畏上帝。

第29到32节,chia提起基甸妻细姨真chē,m̄-koh主要是beh绍介chit位后来伊tī示剑ê一个细姨生ê kiáⁿ亚比米勒,tī-chia先下一则伏笔,当做第九章绍介亚比米勒当以色列领袖ê事。

第33到35节,chia出现「巴力・比利土」神明ê名,这是迦南人供奉ê所谓「盟约之神」。Mā ē-sái讲是kui个迦南人普遍崇拜ê神明,而且tī示剑有座真大ê「巴力・比利土」庙。这就真讽刺地讲出以色列人民tī信仰上ê堕落了,因为当年约书亚是chhōa in tī示剑重新kah上帝立约ê,伊甚至kā以色列人民讲:「如果lín无愿意事奉伊,án-ne,今á日一定tio̍h决定,lín beh事奉ê是甚么人:是lín祖先tī米所波大米所拜ê神明,á是lín现tòa地ê亚摩利人所拜ê神明?讲tio̍h我kah我ê厝,阮beh事奉上主。」然后以色列人民齐声宣誓讲:「阮永远bē弃sak上主去事奉别ê神明!」(参考约书亚记廿四:15-16)bat tī tang时,tī仝款ê所在,in ê kiáⁿ孙却lóng改变à!

重新查询 专卷研经 士师记系列
错误回报,请联系comm[@]fhl.net