士师记 7章1节 到 7章14节   背景资料  上一笔  下一笔
Chit章描述上帝启示基甸怎样选带精锐ê三百个人去攻击米甸ê军队。

Chit段经文是记载基甸照上帝ê指示选出三百个人去攻打米甸ê情形,特别是米甸人kah亚玛力人、以及旷野hiah-ê部族ê人,人数chē到如草蜢一般。上帝知影基甸心中懔neh,因为三百个人beh对抗hiah-nih-chē ê敌方,实力差大码,m̄-koh上帝透过敌方讲起梦境ê现象,坚定了基甸出兵ê信心。

第1到3节,这是真重要ê一段经文,特别tī第2节,是kui个拣选基甸做领袖之事件ê中心思想。主旨teh说明:真正óa靠上帝ê人,bē认为是家己有能力成就大事,上帝知影人ê心内想ê是甚么。人看外表,上帝看人ê心内。Teh kā tòe基甸ê人群中,虽然人数众多,m̄-koh,懔neh ê却比有勇气ê人数koh khah-chē。Tī三万二千人ê中,有两万两千人是懔neh ê,kan-taⁿ有一万人有勇气想beh跟tòe基甸去相刣。Chit种情形kah申命记第二十章8节ê记载仝款:「Hiah-ê 官长koh tio̍ h 对人民宣布,讲:『啥人惊惶失胆? 伊thang tńg 去in tau,恐惊伊ê 兄弟ê 心会消熔,kah伊ê 心相siâng。』 』(全民版)」

第4到5节,即使有一万人真心想beh跟tòe基甸,上帝iáu是认为siuⁿ-chē,所以,beh tùi chit-ê万人中间筛选出真正thang用ê人出来。因为án-ne,上帝beh基甸带一万人去lim水,当chiah-ê人去lim水ê时,ài基甸「Kā hiah-ê像狗仝款用嘴舌舐(chīⁿ)水ê kah hiah-ê跪落来lim水ê分开来」。

第6到8节,上帝用chit种方式ài基甸kā其中三百个用手捧水lim ê人选出来,chiah-ê人只有「三百人」,hō͘其余九千七百人lóng tńg去厝里。Tùi三万二千人降到三百人,这之间相差足足有一百倍。圣经作者用chit种方式teh见证一件事:有上帝带领,人ê气力就不足道à。人数ê chēá是寡,并无影响上帝ê旨意kah计画。Án-ne,选出来ê三百人手中就有够额ê补给品kah号角,后来上帝就用这三百人phah败米甸等十三万五千人ê联军(参考八:10)。其实,上帝án-ne做iáu有一个重要ê意义,beh hō͘基甸tī以色列人民中成做真正领袖,是上帝亲自拣选,是上帝ê气力tī基甸ê身上显现。

第9到12节,tī chit段经文中,作者讲米甸人、亚玛力人,以及其他旷野ê部族,「像一阵草蜢hiah-ni̍h chē;in ê骆驼加得tio̍h像海滩上ê沙粒」,虽然形容得有点á过份,m̄-koh kā它kah基甸带领ê以色列军队三百名相比,却是极大ê对比。这ná亲像tī迦密山顶先知以利亚一个人对付四百五十名巴力ê先知仝款(参考列王记上第十八章),m̄是人数ê问题,是上帝奇妙ê作为。上帝真清楚知影基甸心内ê不安,无够额ê勇气,tùi伊chìn前一再要求上帝证明确实是拣选伊拯救以色列人民ê tāi-chì就thang看出来。chit-má伊心中iáu是惊惶,上帝知影伊ê软弱,koh一pái kā伊讲怎样得tio̍h够额ê信心。有hiah-ni̍h chē以色列人退tńg去,不参与chit pái ê战役,mā说明chiah-ê人kah基甸本来ê心态是仝款ê。若m̄是上帝一再鼓舞,以色列人民恐惊早就被敌人消灭à。这说明圣经作者ê观点:上帝拣选ê子民,上帝会tī in siōng软弱ê时chūn,帮助in生存落去。

第13到14节,上帝鼓舞基甸ê作法,就是hō͘基甸听tio̍h米甸军营中有人对话,hō͘基甸知影上帝确实kā米甸等联军beh交hō͘基甸。Chit种对话ê方式,是用梦境和解梦来表达,而作梦kah解梦ê人,lóng m̄是以色列人,却是in ê仇敌。换句话讲,上帝m̄-nā是tī以色列人中,启示他ê旨意,mā会tī m̄信靠他ê人中间,启示他奇妙ê作为,就亲像上帝透过埃及国王ê梦境,hō͘约瑟有机会解梦而tùi囚犯成做埃及宰相仝款(参考创世记四十一:1—46)。

重新查询 专卷研经 士师记系列
错误回报,请联系comm[@]fhl.net