Chit段经文thang对照约书亚记第廿四章28到31节ê经文来看，就会发见虽然二者之间ê资料差别无大，m̄-koh iáu有无仝。

第6节，chia讲约书亚遣散以色列人民tńg去各族ê占领区，其实，但族iáu未属tī家己ê地。

第7节，chit节非常重要，就是hiah-ê亲目看见上帝为以色列人民所行ê各种神迹奇事ê人lóng顺从上帝ê旨意kah教导。

第8到9节，chit两节说明约书亚活到一百一十岁，而且安葬tī以法莲山区ê亭拿・西拉。这是设tī伯特利西北约十五公里ê所在。

第10节，chit节讲以色列人民tī约书亚kah hit-ê时代ê众长老lóng往生后，下一代ê以色列人民，就m̄知顶一代ê人信仰见证，结果bē记得上帝ê诫命kah教示，弃sak了上帝。