士师记 2章1节 到 2章5节   背景资料  上一笔  下一笔
Chit章tùi第11节开始,说明以色列人民tī约书亚kah伊hit-ê时代ê领袖lóng往生后,in ê后代竟然bē记得上帝tī in中间,án怎带领in ê祖先án怎离开埃及奴隶之地,以及tī旷野漂流期间带领in,到落尾koh带领in进入迦南地ê经过。因为án-ne,in离开上帝,随从迦南地ê人去拜偶像神明,因为án-ne,惹起上帝极大ê愤怒,hō͘外族人来侵犯in,in chiah知影tio̍h悔改归亲向上帝。

Chit段经文ē-sái讲是解释了头前所有军事行动ê背后讯息――以色列人民已经bē记得in kah上帝之间「约」ê关系。

第1到2节,chit节讲「上主ê天使tùi吉甲到波金」,表示以色列人已经kā宗教中心tùi吉甲转移到波金à。Chia上帝ê天使对以色列人民提出警告,讲in已经bē记得上帝,无遵照kah上帝之间所立ê约做tāi-chì。以色列人民反tńg是去kah当地ê人民立约,而且无拆毁in ê偶像神明之祭坛,án-ne chiah是严重违背上帝ê旨意,因为chiah-ê祭坛致使后来in kah当地人ê宗教信仰混合à。这就是头前各支族军事行动中,作者常常加注ê一句话:「in kah当地ê迦南人tòa做伙。」(一:29、30、32、33)这暗示了in以后信仰上堕落ê主要因素。

第3节,chit节已经清楚预言以色列人民会弃sak上帝,而且堕落到非常严重。

第4到5节,以色列人民听完天使ê警语了后,大声痛哭,因为án-ne chit-ê所在就叫做「波金」。In mā用献祭来对上帝表明顺服ê意思。

重新查询 专卷研经 士师记系列
错误回报,请联系comm[@]fhl.net