士师记 19章16节 到 19章30节   背景资料  上一笔  下一笔
Chit段经文描述基比亚城内ê便雅悯族人真正是恶质到极点,mā说明in chit种可恶ê行踏,就kah创世记第十九章所描述ê所多玛城居民之恶行恶状仝款。

第16到17节,chia讲有一位老人看见chit位利未人kah伊ê细姨、奴仆,而chit-ê老人以前mā是tòa tī以法莲山区,chit-má移居tī基比亚ê人,án-ne,伊mā算是一个外地人,伊看见这利未人,就先问伊两个问题:「你tùi tó位来?behgōa chē?」这mā是当时流行ê一句类似请安ê话,表示关心ê意思。

第18到19节,这利未人回答ê内容真重要ê一点,是表示伊只需要借tòa过瞑,bē增加接待者ê负担,因为伊ê驴á mā有够额ê草料养饲,in ê食物mā lóng够额。换句话讲,伊只是需要一个遮蔽暗时风寒ê所在而已。

第20到21节,这老人听随时表示欢迎并接待这利未人,m̄-nā提供洗脚、食饭,mā同时养饲伊ê驴á,án-ne,利未人回乡ê路上就bē发生缺乏。

第22到25节,chit段经文thang看出基比亚城居民ê人,in ê态度ná亲像创世记第十九章4到9节描述所多玛城人ê邪恶行踏差不多完全仝款。Tī chia讲有一阵基比亚ê无赖,知影有外出ê人来寄居tī这老人ê厝里,就来骚扰这老人,强烈要求这老人kā接待ê人客交出来hō͘ in满足淫乱ê行为。

M̄-koh chit位基比亚老人表示伊既然接待了利未人kah伊ê细姨、奴仆,mā就有责任庇护人客ê安全,因为án-ne,伊愿意kā家己iáu未出嫁ê cha-bó͘-kiáⁿ交hō͘ chit群基比亚ê无赖去凌辱,mā无愿意hō͘这利未人kah伊ê细姨、奴仆受tio̍h伤害。伊一再提醒chit群无赖,bē-tàng tī chit利未人ê身上做「hit种缺德ê事」,teh暗示in当teh做一种「随心所beh」ê淫荡行为。

第23节「缺德」一词,表示ê是「愚戆」ê意思。这老人对hit群无赖讲ê话,意思是in如果beh性交,应该是chhōe异性ê chiah正确。Á chit位利未人会án-ne kā家己ê细姨交出来,可能是因为想tio̍h家己是出外人,而且tī无人接待伊ê时chūn,chit位年老ê人接待伊到厝里过瞑,而且非常热情ê接待伊,如果由伊尚且是处女ê cha-bó͘-kiáⁿ来代替伊kah细姨ê安全,伊宁可用家己ê细姨解除chit-ê危险。M̄-koh chit群无赖听bē落去这老人ê苦劝,利未人为tio̍h beh庇护这接待伊ê老别人中iáu未出嫁ê cha-bó͘-kiáⁿ,就kā家己ê细姨推出门外去hō͘ chit群无赖「随心所beh」地去做in想beh做ê事,结果chit群无赖是整夜强奸这利未人ê细姨,直到天光。

Chit段经文讲述了几件重要ê事:一是基比亚ê长老对chit种行为有看kah-ná无看tio̍h。二是这老人知影若是kā利未人交出去,mā表示伊以后会受tio̍h ê侮辱会远大tī牺牲家己iáu未出嫁ê cha-bó͘-kiáⁿ。因为当时ê社会制度、风俗,庇护厝内ê人客,是一种性命ê荣誉。三是这利未人并无ná亲像头前叙述过ê,伊tùi丈人手中争tńg来了所疼ê细姨,却tī危险ê时刻,hō͘家己ê细姨受tio̍h siōng大ê凌辱、伤害。

第26到28节,天一下光,这利未人看见家己ê细姨双手搭tī户碇顶,倒tī门口,叫不醒来,就知影伊已经往生,伊kā细姨ê尸体khǹg tī驴á ê尻脊骿顶带tńg去厝里。双手搭tī户碇顶,mā teh表示chit-ê细姨有tńg来呼叫,m̄-koh却无得tio̍h回应。

第29到30节,chit两节mā讲出chit-ê利未人仝款无走chhōe应该有ê规矩,向长老提出控诉。伊mā是仝款tī「无君王,人人随家己欢喜ê去做」。伊kā家己ê细姨ê尸体分尸成十二块,送到每一个支族hia,伊用chit种方式表达一种控诉ê方式。如果连利未人lóng án-ne m̄知遵行摩西律法ê规矩,ná亲像米迦厝内ê hit位利未人,kah chit位利未人使用报复ê方式,lóng是teh暗示以色列人民已经是弃sak上帝真远、真远à。这利未人ê chit种分尸方式,后来扫罗当以色列人民ê王ê时,mā bat经有过用两头牛,kā牛砍成碎块,然后命令使者带tio̍h chiah-ê牛ê碎块到以色列各地区去,结果以色列人民非常激愤地联合起来,共计派出三十三万军队对抗来侵犯ê亚扪人(参考撒母耳记上十一:7—9)。

Koh讲,若是chit-ê利未人是一定tio̍h用chit种方式chiah ē-tàng唤醒良知,ná mā thang看出以色列人民心灵是麻痹到非常严重了!果然,看见这情景ê人lóng无法忍受落来,in决定beh采取惩罚ê行动。

重新查询 专卷研经 士师记系列
错误回报,请联系comm[@]fhl.net