士师记 19章1节 到 19章15节   背景资料  上一笔  下一笔
第十九到廿一这三章,lóng是teh描述一个利未人ê细姨被便雅悯支派ê人轮奸到死ê惨绝人寰事件。为tio̍h chit-ê tāi-chì,以色列其他支派决定联盟出兵讨伐便雅悯支派,而且差一点á就kā便雅悯支派灭族,后来为tio̍h beh挽救该支族免tī灭族,iáu想办法kā雅比人ê处女hō͘便雅悯族ê cha-po͘人做bó͘,chiah-ê行踏lóng tī说明以色列人民已经是堕落到à极点。Á这事件kah头前两章叙述米迦tī厝内设立神坛并且有利未人担任祭司,kah 但族人kā米迦厝里ê偶像当做神明供奉,而且iáu由摩西ê kiáⁿ孙担任祭司等等行为,lóng tī说明以色列人民m̄-nā弃sak上帝甚远,mā会失去社会秩序。这lóng kah弃sak上帝有密切关系。

Chit段经文先绍介有一个利未人kah伊ê细姨之间ê背景。

第1节,chia一开始就讲「以色列iáu未王ê hit段ê时期」,chit句话tùi第十七章就开始一再重复出现,表明以色列人民ê社会生活已经会失去规律,原因是in心中根本to̍h无上帝。

续落来开始绍介讲有一个khiā起tī以法莲山区ê利未人,这kah第十七章1节绍介ê米迦是仝款ê所在。伊娶一个tòa tī伯利恒ê cha-bó͘-gín-á作细姨,tú好mā是米迦厝内ê hit位利未人同乡,lóng是来自伯利恒。

第2到9节,chit段经文主要teh描述chit-ê利未人所娶ê细姨,m̄知是甚么原因kah伊ê利未人丈夫冤家而大发脾气,作者并无说明,只记载伊tī发脾气了后就家己tńg来后头厝去。经过四个月后,这利未人去伯利恒劝伊kah伊tńg去以法莲山区ê khiā家。丈人显然真努力beh留tiâu chit位利未人ê kiáⁿ婿,因为án-ne,一留koh再留,挽留kúi-nā个暗时,án-ne前后共计留了六个暗时,了后,chiah hō͘伊ê kiáⁿ婿带tio̍h cha-bó͘-kiáⁿ起身tńg来以法莲山区去。这丈人án-ne做,真可能是无想beh hō͘伊ê cha-bó͘-kiáⁿ跟tòe kiáⁿ婿tńg去,换句话讲,丈人是想beh留tiâu kiáⁿ婿kah cha-bó͘-kiáⁿ,m̄-koh最后,这利未人kiáⁿ婿终其尾得tio̍h细姨ê同意,起身跟tòe伊tńg去以法莲山区。

第10到15节,因为暗时,奴仆虽bat建议这利未人主人tī耶布斯人ê村落过瞑,m̄-koh这利未人确认为不应该tī外邦人ê村落歇脚,伊宁可去以色列人民ê村落khiā起,真可能认为án-ne比较安全因为当时耶布斯城是由耶布斯人所占领,hit-ê城直到大卫统治时代chiah攻打落来,改成耶路撒冷城(参考撒母耳记下五:6—9)。因为án-ne,in继续行到离耶布斯人khiā起ê村落大约有六公里远ê基比亚chit-ê属tī便雅悯族人ê村落(参考约书亚记十八:28)。Ē-sái讲是奇怪ê,是该村落ê人lóng m̄接待外出ê同胞,这基本上是违背摩西律法讲beh好款待外出ê人ê教导,这mā表示基比亚ê便雅悯支族ê人,已经bē记得祖先摩西hō͘ in ê教导,ài in帮助外出者,因为in以前mā bat tī埃及当出外、寄居ê人仝款(参考出埃及记廿二:21、廿三:9,利未记十九:33—34,申命记十六:14、廿六:12),这mā表示in心中已经无上帝,chit点反应了士师记前段部分所一再提起ê:「以色列人行上主所看做pháiⁿ ê tāichì,bē 记得上主—in ê 上帝,去服事chiah-ê 巴力kah 亚斯她录(全民版)」(士师记三:7)mā因为án-ne不时得罪上帝,去拜偶像神明。Á tī第十七到十八章,则讲但族人拜偶像神明,而且iáu指派摩西ê kiáⁿ孙kiáⁿ孙当偶像神明ê祭司。
重新查询 专卷研经 士师记系列
错误回报,请联系comm[@]fhl.net