士师记 11章29节 到 11章40节   背景资料  上一笔  下一笔
Chit段经文讲述耶弗伊chiâⁿ实是上帝所拣选ê士师,á耶弗伊mā表示伊真正beh带领以色列人民全力对抗亚扪人入侵,因为án-ne,伊用下愿ê方式来回应上帝ê拣选。Á这下愿就是用伊ê cha-bó͘-kiáⁿ献祭。Mā thang án-ne讲,chit段经文就是为tio̍h解释第40节以色列ê妇女每年有一个固定活动,就是离家四工,去追悼耶弗伊ê cha-bó͘-kiáⁿ。

第29到31节,chit段经文mā说明早期社会有用人当做献祭ê祭品行为,这mā说明以色列人民进入迦南地了后,深受当地宗教行为ê影响。亲像列王记下第三章记载以色列kah犹大、以东等三国联盟去攻打摩押,结果摩押tī最后「大势已去」ê关头,摩押王刣死beh继承王位ê大kiáⁿ当做「牲祭,tī城墙顶献hō͘摩押ê神明」(参考列王记下三:26—27),另外在列王纪下第十七章17节mā记载以色列ê人民仿效迦南人,kā家己ê子女烧献hō͘异教神明kah其他宗教信仰ê礼仪;在列王纪下第廿一章6节,讲犹大王玛拿西mā是kā家己ê kiáⁿ烧献hō͘巴力神明。其实,创世记第廿一章记载亚伯拉罕献祭以撒ê事件,就是teh说明以色列人民一定tio̍h kah迦南人tī宗教行为上有所差别;迦南人有kā人当做献祭品,以色列人民bē-tàng,只有ē-tàng用cheng-seⁿ如羊á是牛当做牲祭品。

Tī chit段经文中,耶弗伊是祈求上帝帮助伊带领以色列军队phah赢亚扪人。伊下愿讲,如果上帝帮助伊赢了,伊就beh献第一个出门来迎接伊ê全家hō͘上帝。伊beh献ê祭是「烧化祭」,chit种烧化祭ê方式,是teh-beh献ê牲礼刣死,然后khǹg tī祭坛上用火烧掉。

第32到33节,chit两节讲耶弗伊带领以色列军队kah亚扪人作战,tī上帝帮助下果然phah了胜仗,并且攻落了亚扪人二十座城,而且用「大肆屠杀」ê方式,制伏了亚扪人。

第34到35节,当耶弗伊phah赢凯旋tńg去ê时chūn,伊万万无想tio̍h第一个出来迎接伊ê人,竟是伊惟一ê cha-bó͘-kiáⁿ the̍h-tio̍h铃鼓跳tio̍h舞出来迎接伊。这mā是古早时战争结束,凯旋tńg来ê时ê一种风俗,通常lóng会有cha-bó͘-gín-á先tī城门口唱歌跳舞欢迎凯旋归来ê军队(参考出埃及记十五:19—21,撒母耳记上十八:6)。耶弗伊看见伊ê cha-bó͘-kiáⁿ出来ê时,伊差不多心lóng碎à。M̄-koh因为是向上帝下愿,绝对无法度更改。第35节经文thang参考申命记第廿三章21到23 节:「你对上主— 你ê 上帝下愿,m̄ -thang 延chhiân 你ê 谢愿,因为上主—你ê 上帝一定会对你讨,你若无谢就有罪。你若无下愿,就无罪。见若tùi 你ê 嘴所出ê,照你已经下愿tī 上主— 你ê 上帝来甘心献ê,就是你ê 嘴所答应,你tio̍h 执守来照án-ne 行。(全民版)」箴言第二十章25节:「下愿了后chiah 查问,这soah 成做伊家己ê 罗网。
(全民版)」

第36到37节,chit两节是耶弗伊惟一cha-bó͘-kiáⁿ回应伤心至极ê老父所讲ê话,表示她一定会照老父所下ê愿。M̄-koh,她希望hō͘她两个月时间,kah朋友上山去。因为她iáu未出嫁,就一定tio̍h被当做祭品,beh为tio̍h án-ne来哀伤。

第38到40节,耶弗伊只好允准,而伊ê cha-bó͘-kiáⁿ确实是实践了老父所下ê愿。Chit段经文mā解释了以色列妇女每年有一个风俗,就是为耶弗伊cha-bó͘-kiáⁿ ê事哀伤四工。

重新查询 专卷研经 士师记系列
错误回报,请联系comm[@]fhl.net