士师记 1章11节 到 1章21节   背景资料  上一笔  下一笔
Chit段经文是继续记载犹大支派ê领导群,攻城掠地ê经过。 

第11节,chia提起犹大支派beh攻打底璧城,这是设tī希伯仑西南方大约二十公里处,是军事战略中ê重要城市。

第12到13节,chia提起迦勒,伊就是kah约书亚同时受派去窥探迦南地ê十二代表之一(参考民数记十三:3-15),mā是伊kah约书亚对攻取迦南地表示积极支持ê态度(参考民数记十四:6-10)。因为án-ne,上帝允准in两人thang kah二十岁以下ê少年一代进入迦南地。chit-má伊用奖赏ê方式,就是beh kā cha-bó͘-kiáⁿ当做鼓舞犹大人民进攻底璧ê酬劳。结果是伊小弟基纳斯ê kiáⁿ俄陀聂得tio̍h chit项奖赏。

第14到15节,俄陀聂是以色列人民tī迦南地khiā起后ê第一位「士师」(参考三:9),mā就是约书亚往生后,第一位领导以色列人民ê领袖。极可能kah伊是犹大支族ê人有关系。Koh讲是因为伊ê英勇,teh进攻底璧城ê时得tio̍h战功,m̄-nā得tio̍h迦勒ê cha-bó͘-kiáⁿ做bó͘,以及一块水泉地,koh khah重要ê是伊因为án-ne被选做「士师」。

第16到17节,chit两节提起犹大kah西缅koh一pái联军去攻打洗法城ê迦南人,并且kā hit-ê城彻底摧毁。

第18到19节,提起犹大攻打山区ê时chūn lóng真顺手,m̄-koh,攻打海口城市却m̄是真内行,原因是in是游牧民族,对山区地形非常熟悉,m̄-koh相对ê,对tī海口地形则真生份。因为án-ne,chiah-ê属tī非利士人khiā起ê迦萨、亚实基伦、以革伦等城市,lóng避开了犹大kah西缅支族ê困扰。主要原因是chiah-ê非利士人是远比以色列人koh khah进步,有「铁战车」,这是有ná今á日ê所谓「装甲部队」。因为án-ne,犹大kah西缅联军无法度kā chiah-ê城市攻取落来。

第20到21节,chit两节真清楚说明犹大支族ê迦勒家族,占领了希伯仑地区,而便雅悯支族ê人,却无法度攻落耶布斯人占领ê耶路撒冷。Ná亲像头前提起过ê,直到大卫时代chiah kā耶路撒冷the̍h落来。

重新查询 专卷研经 士师记系列
错误回报,请联系comm[@]fhl.net